Ester

2 Yi ewari ũmene bino piesta ewaride, nokʼoba akʉza Esterʼa widisi: «¿Kʼãrẽta kãgabʉ bʉara nokʼo wẽrã Ester? Jarada mʉ̃a maʉ̃ta diayi. ¿Kʼãrẽta widikĩrãbʉ bʉa mʉ̃aʼa? Mʉ̃a nekʼãrẽ zokʼabʉta bʉa ẽzadra diaibarabʉrʉ diaya». 3 Nokʼo wẽrã Esterba panʉsi: «Nokʼo bʉa mʉ̃ta bia akʉbʉbʉrʉ akʉza bʉma bigabʉrʉ, diara mʉ̃a widibʉta, mʉ̃a bʉaʼa widikĩrabʉ mʉ̃ bebʉta akʉza mʉ̃ pʉwʉrʉ bebʉta ẽdrʉbimarẽã. 4 Mʉ̃ pʉwʉrʉta akʉza mʉ̃ta nẽdo bʉesida baera beadamarẽã. Daita bari nẽdo bʉesidabʉrʉ nezokʼa bamarẽã mʉ̃ara kʼãrẽ jara ẽ bakasi. Mamina naʉ̃ kayiruara idu berabaribi ẽ baibara, maʉ̃ta berabarira nokʼo ʉ̃rʉ kayiruata zeseabʉ baera».