Jeremías

45 Jehoiaquim Josías warra akʉza Judádebema nokʼo. Iya 4 poaga babaside zokꞌabʉta, Baruc Nerías warrabara bʉbasi librode propeta Jeremíasba bedʼea jarabʉta, Jeremíasba naʉ̃ bedʼeata bʉmarẽã jarasi: 2 «Baruc naʉ̃ta jarabʉ Jeowa Israeldebema Daizezeba bʉaʼa: 3 ‹Bʉa jarasi: «Zʉbʉriare mʉ̃ra, mʉ̃ra mejãchade puabʉ, mawũãsidu Daizezebara audre zʉbʉriabibʉ. Mʉ̃ra jẽgabʉba zarea nẽãsi, mʉ̃a ũdu ẽ kʼãrẽba aduʼa bʼaira»›. 4 »Naʉ̃ta jaraibara bʉa: ‹Naʉ̃ta jarabʉ Jeowabara: «Mʉ̃a jõma parãnara ãrĩñi akʉza jõma mʉ̃a udara ẽkʉayi, maʉ̃ta oyi mʉ̃a naʉ̃ pʉwʉrʉ jõmaʉ̃nẽ. 5 Mamina bʉara nekʼãrẽ bia zroma erbaita jʉrʉbʉ bʉitabʉrʉ. Maʉ̃ jʉrʉbʉta idubʉra»›. «‹Mʉ̃a ẽbẽrarã jõmaʉ̃ta zʉbʉriabi baera, mawũã jarabʉ Jeowaba, mamina mʉ̃a bʉra ẽdrʉbiyi bʉ wãbʉrʉmae›».