2 Crónicas

2 Asábara nekʼãrẽ biata ojʉ̃drʉsi akʉza Daizeze dabʉ nãã bia ojʉ̃drʉsi. 3 Maʉ̃ne ãĩbʉesi altar daizeze zeri ẽã yiwidʼi pananata akʉza katumane yiwidʼi pananata adewara drʉ̃daʉra akʉza bakurura maʉ̃ʼa yiwidʼipananata mãrĩkʉasi. 6 Parãkʉasi Juda pʉwʉrʉrane neneẽãnʉmasi baera maʉ̃ra pʉwʉrʉrãra. Maʉ̃ poagadera iyi ʉ̃rʉ yõna ẽ basi Jeowaba enaʉ̃bisi baera. 9 Maʉ̃ tẽã, Zérah etiopíadebemara zesi gorogorora millón bʉbawara akʉza wesi 300 karrorata. Iyi Maresáidu jʉ̃ẽsidera, 11 Mawũẽra Asábara soiduba widisi iyi Daizeze Jeowaʼa, mõbe jarasi: «Jeowa, bʉara jõma daucha kʼarebabʉ yi zareabarabʉta mawũã ẽ bʉrʉ zarea neẽãbeta. Daizeze Jeowa, kʼarebara daira, daiba bʉta ĩjãpanʉ baera, mõbe daira zesi naʉ̃ra kabanabawara yõita bʉ trʉ̃neba. Jeowa, bʉra Daizeze. Iduaribirãra badu yumakẽrã beibari juwa edre baeita». 12 Aramaʉ̃ta Jeowaba iyi juwa edre baebisi etíoperãra Asá akʉza Judá nãã, mawũã etíoperãra wẽba wãsida. 13 Asába akʉza iyi kʼaidupanʉra bawaraʉba pewãsida Guerarʼidu bayeda, mawũã etíoperãra bea wãsida, mõbe mia abaʉta zokʼai amaena ẽ basi, Jeowaba iyi gorogoro bawaraʉba birachisida. Maʉ̃ tẽã, yumakẽrã Judádebemarabara edesida ãyi nebia zromata.