Revelación
1 Daizezebara jarasi Jesuʼa aranʉbai kʼãrẽta berabarita, Jesuba iyi nezokʼara ũdubimarẽã. Jesukristoba zokʼasi iyi angelta, naʉ̃neba ũdubisi iyi nezokʼa Juanʼa. 3 Sobiabayi yi nemi jĩgʉa lebʉra bedʼea naʉ̃ propesiadebemata, adewara sobia bayi yi ũrĩbʉrʉta akʉza yi obʉrʉta bedʼea nama bʉchubʉde kĩrãkʼa, nama jarabʉ bedʼea aripe berabarira arakʼaita ba baera. 5 Jesukristodeba, Kʼawuabibari Kʼẽrẽpabʉ, beipanʉnebema yi Nããra piradrʉdaba akʉza naʉ̃ drʉadebema nokʼo ʉ̃ta Zareabarabʉba. Dayirã kãgabʉba akʉza dayirã mitiadeba ẽdrʉbidata iyi wadeba. 6 (Iya osi dayirãta nokʼo bamarẽã akʉza sasedote bamarẽã mara Daizezeita akʉza Zezeita), iyi ʉ̃rʉ ibia bedʼeaibara akʉza ewari jõmaʉ̃nẽ iyide zareara. Amén. 8 Mʉ̃ra Alfa akʉza Omega (mawũã jarabʉ Daizeze Jeowaba) jari bʉba, badaba, ʉ̃rabʉrʉ uruba akʉza nejõma oseabʉba.