1 Juan

3 Akʉidua kʼãrẽaba kãgata Daizezeba dayirãta, maʉ̃ kʼarea dayirãra trʉ̃gapanʉ Daizeze warrara, maʉ̃ta iyi dayirãra. Maʉ̃ kʼarea naʉ̃ drʉadebemabara ũduka dayirãra, iyita ũdukʼawuada ẽ baera. 8 Nemitia obʉra Diarudeba zebʉ, Diarura naenaʉ̃ba nemitia ojʉ̃drʉsi baera. Daizeze warrara zesi naʉ̃ oita: ara oita Diaruba arĩnata. 10 Daizeze wũãwũãta akʉza Diaru wũãwũãta ũduk’awuapanʉ naʉ̃neba, jõma nek’ãrẽ aripe oẽãra Daizeze wũãwũã ẽ, akʉza yi mebẽbea kãga ẽãsida. 11 Naʉ̃ bed’eara marabara naẽnaʉ̃ba ũrĩ zebuda, maʉ̃yiraĩ yi kãgaibarata. 12 Maʉ̃ba Kain kĩrãk’a babe ẽ, Kainra zesi zok’ayiruadeba akʉza okõ beasi yi mebẽãta ¿k’ãrẽa okõsi? Kainra jipa zok’ayiruabasibera, mamina yi mebẽara zobiabasi. 15 Jõma yi mebẽrã jʉrara nebeamiara, mamina maraba k’awuabʉ jõma nebeamiarãra ba ẽãta ewari jõmaʉ̃nẽ . 18 Wũãwũãra, kãgada ẽ baibara bed’ea awaʉba mia i awaʉba, awuarabʉrʉ oũdubipanʉne akʉza wãrĩnune. 19 Mawũãtrʉ kʼawuadayi wãrĩnuneba zedata akʉza dayira sora aduʼa babiyi Daizeze kĩrãbita, 20 dayi soba aña krĩchabibʉmina, Daizezera audre yi zroma baera dayirã soira akʉza iya jõma kʼawuabʉ. 23 Iyara naʉ̃ta zokʼasi: ĩjãta erbaibara iyi warra Jesukristo trʉ̃ne, adewara yiya kãgaidaibara, iya zokʼada kĩrãkʼa.