Marcos

17 Herodesʼbara Juanʼra jʉrʉde zokʼasi carcélde eda bʉeita akʉza kadenaba tajʉ̃si yi kima Herodías kʼarea, iyira juwa jidasi basi yi mebẽa Filipo kimaʉ̃me. 18 Juanbara Herodesʼra jarada ʉ̃rʉ jarabasi: «Dayi mebẽa kimara jari kaĩbe ẽãta». 19 Maʉ̃ kʼarea Herodíasʼbara jʉrabasi Juanʼra, akʉza beakĩrã basi, mamina beabe ẽ basi iyara, 20 Herodesʼba bia akʉerbasi baera Juanʼra, akʉza wawiata ʉ̃dubibasi. Herodesʼbara kʼaʉbasi Juanʼra ẽbẽra biata akʉza aripe obʉta. Maʉ̃ba iyime bedʼea bʉrʉdera iya bia ʉ̃rĩ ẽ basi mina bedʼeakĩrãbasi Juanʼʉ̃me. 30 Jesu kʼaidubʉrara Jesu kʼaita ze kʼãrãpe nebʉrasida ãya kʼãrẽ jõma odata akʉza jaradiadata. 31 Jesubara jarasi: «Zeidua mʉ̃ kʼaidʉ, wãdrʉ dayirã miõ neẽma mawũã wiña enaʉ̃ita», ẽbẽra mẽjachaʉta wãpe akʉza zepanʉ baera ãyira ewari neẽbasi nekoita. 32 Maʉ̃ba wãsida jãbade jĩga, ãyira awa panaseabʉ mae. 33 Mamina ʉ̃kʉrʉ ẽbẽraba ũdusida ãyira wãta akʉza wuabema ẽbẽrarãbida kʼawuasida maʉ̃ta. Maʉ̃ kʼarea wuabema puwurudebema ẽbẽrarãsida jĩrʉne wãsida mesera, mõbe ãyi nãã jʉ̃ẽsida. 34 Jãbadeba ubaebʉrʉde iyara ẽbẽrarã mejãcha ũdusi akʉza so zʉbʉria akʉsi obeja akʉbari neẽ kĩrakʼa panasi baera akʉza nemejãcha jaradiasi.