Gálatas
16 Mʉ̃a mara jarabʉ: oidua jaure zareaba kãgabʉ kĩrãkʼa, mawũãra mara kakuaba kayirua okĩrãbʉta oda ẽ baya. 18 Mamina Daizeze jaure zareaba samare wãita jarabʉbʉrʉ, mawũãra kʼarea oira neẽ leyba jarabʉta. 19 Yaraba obʉra jõmaʉ̃ba ũduk’aʉde, awurume k’ãĩta krĩchabʉta, mitiata akʉza awurume mitia okĩrãbʉta, 20 nek’ãrẽ oma yiwid’idaita, jai oita, nejʉrarata, yõta, jiwaidata, mejãcha kĩrʉmiata, yõmiarata, yãraneba jĩgababibʉta, Daizeze Bed’ea kĩrã awuara jaradiabʉta, 21 kãgaita wuabemaba erbʉta, itua doita, piesta k’awua ẽ opanʉta akʉza naʉ̃ kĩrãk’abʉta opanʉta. Mʉ̃a jarada kĩrãk’a, naʉ̃ kayirua obʉra Daizeze Nok’o edre ba ẽãta. 22 Adewara, neta jauredebemara bʉ: kãga, bʉzrida, neneẽã, mejãcha jʉ̃ãbʉ, ibiadebʉ, ẽbẽra bia, ĩjãi, 23 urumʉ̃rʉãbʉ, dayi kakua jipa zok’aseabʉ. Neẽ ley maʉ̃ ʉ̃rʉ b’aira. 25 Daizeze jaure zareaba jarabʉ kĩrãkʼa panʉbʉrʉ, mawũãra odadrʉ jõma aripe Daizeze jaure zareaba jarabʉ kĩrãkʼa. 26 Aukara krĩchakara dayirã ʉ̃rʉ, mia jʉrʉraidua kʼairata audre yi zromata akʉza kãgaraidua wuabemaraba erbʉta.