2 Timoteo
4 Daizeze nãã akʉza Jesu Kristo nãã, kʼawua oyi beʉdarãta akʉza zokʼaipanʉrata, iya ũdubibʉdeba akʉza Nokʼodeba, mʉ̃a bʉa naʉ̃ta omarẽã zokʼaya: 2 Daizeze Bed’ea jaradiaibara, maʉ̃ta meserabai jaradiara, ewari biade akʉza ewari bia ẽãne; k’ẽãra, ara ora, zarea diara, jʉ̃ãbara akʉza ibiade jaradiara. 3 Zei baera ũrĩama zeita ẽbẽrarãba bedʼea biata, awuarabʉrʉ ũrĩkĩrãnañi nejaradiabariraba ãyima jaradiabʉta. 4 Wãrĩnuarãra ũrĩamanañi awuarabʉrʉ ũrĩkĩrãnañi wãrĩnu ẽãta. 5 Mamina bʉra bia krĩchaibara nekʼãrẽ jõmaʉ̃nẽ, awuantara zʉbʉriabʉta, jaradia wãra, ora jõma jaradia wãbʉrʉde. 6 Mʉ̃ra weabaribʉ oprenda bakĩrãkʼa akʉza mʉ̃ ẽdrʉira arakʼaitaba. 7 Mʉ̃a Daizezeita oita badara jõma osi. Jõma jipa osi bia yõna kĩrãk’a. Mʉ̃ra wũẽbasi jõñinu akʉza soiduba ĩjãsi. 8 Naʉ̃neba ʉ̃ta Daizeze juez jõma daucha obʉba mʉ̃ita wuaganʉmʉ burubarita, mʉ̃a iyi bedʼeata ũrĩbʉ baera, mamina naʉ̃ra mʉ̃ abapaiʼabʉrʉ dia ẽ bayi awuarabʉrʉ diayi ẽbẽra jõma iyi zei ewari ũdukĩrãpanʉra. 9 Zarea ora mʉ̃ mesera akʉ zeita. 11 Lucastrʉ abapai mʉ̃ kʼaidubʉ. Wera Marcosʼra bʉ kʼaidu iya mejãcha kʼarebai baera jaradiaide. 16 Mʉ̃yi kʼarea nokʼora nãã bedʼeasidera mia kʼaita mʉ̃are bedʼeada ẽ basi, awuarabʉrʉ jõmaʉ̃ba mʉ̃ra doba amaesida. Maʉ̃ kʼarea kãgabʉ neida oda ẽ marẽã ãya mawũã obʉrʉ kʼarea. 17 Mamina Jesura mʉ̃ kʼawabasi akʉza mʉ̃ʼa so zareadiasi, mawũã mʉ̃neba pʉwʉrʉ jõmaʉ̃ba kʼawuamarẽã iyi bedʼea ʉ̃rʉ akʉza leon ideba ẽdrʉbisi. 18 Daizezebara mʉ̃ra ẽdrʉbiyi nekayiruadeba akʉza kʼarebabayi iyi Nokʼoma ʉ̃ta edeyeda. Adewara ewari jõmaʉ̃nẽ iyi ʉ̃rʉ ibia bedʼeayi. Amen.