Éxodo

21 Adewara naʉ̃ leyta jaraibara: 2  »Nezok’a ebreota edasibʉrʉ iyira trajaibarabasi 6 poagabayeda, mamina poaga 7dera ẽdrʉibarabasi k’ãrẽ paga ẽã. 3 Iyita doba zesibʉrʉ, doba wãñi. Mamina iyi kimaena zesibʉrʉ iyi kimasida iyi k’aidu wãñi. 4 Iyi nok’oba kimata diara, iya wauta akʉza kauta erbara maʉ̃ wẽrãta yi wũãwũãrabawara iyi nok’odebayi, maʉ̃ k’area yumakẽrãra doba wãñi. 5 Mamina yi nezok’aba jarada ʉ̃rʉ jarara, mʉ̃ra wãkĩrã ẽ, mʉ̃a kãga mʉ̃ nok’ora, mʉ̃ kimata akʉza mʉ̃ wũãwũãrata, 6 iyi nok’obara Daizeze wãrĩnuara nãã edeibarabasi adewara puertama katʉibarabasi iyi kʉwʉrʉta mawũã nek’ãrẽ sumiabʉba kʉwʉrʉ uyaita. Mawũã iyi nezok’a b’aibasi ewari jõmaʉ̃nẽ. 7  »Yumakẽrãba iyi kauta nẽdo bʉera nezok’a b’aita mawũãra iyira ẽdrʉbida ẽ bayi yumakẽrã ẽdrʉbipanʉ kĩrãk’a. 8 Nok’oba iyi nezok’ata iyi kima kĩrak’a erbakĩrã ẽ bʉrʉ iya kãga ẽ baera, mamina maʉ̃ta awuruba edakĩrãbʉbʉrʉ nẽdo bʉebe ẽ jãpeba zedarãra iya biata oẽ basi baera. 9 Mamina maʉ̃ta yi warraita jidasibʉrʉ, akʉibarabasi yi kau kĩrãk’a. 10 Yumakẽrãba awuru wẽrãta jʉrʉra iyi kima b’aita, yi kima nabemara, eda yiko dia babe ẽ, mia wuasida dia babe ẽ, adewara ãba k’ãĩpanaibara nãã obada kĩrãk’a. 11 Mamina yumakẽrãba maʉ̃ nek’ãrẽ ũbeata dia ẽ bʉrʉ mawũãra yuwẽrãbara paga ẽ bayi iyi ẽdrʉita. 12  »Badu ẽbẽraba yumakẽrãta neida ora akʉza beara maʉ̃sida beibarabasi. 13 Mamina iya krĩña bea ẽ basibʉrʉ akʉza Daizezeba mawũã berabarimarẽã iduaribisibʉrʉ, wãseabasi mʉ̃a jaraimae. 14 Yumakẽrãta kĩrʉra awuruʉ̃me akʉza maʉ̃ta krĩña beara, maʉ̃ yumakẽrãra beadaibarabasi mʉ̃ altardeba edeimina. 15 Yi zezeta mawũã ẽ bʉrʉ yi papata pobʉrʉra beibarabasi. 16  »Ẽbẽra abaʉba yumakẽrãta jidape edera akʉza maʉ̃ta nẽdo bʉera, mawũã ẽ bʉrʉ iya wuaga erbʉta ũdudara, maʉ̃ ẽbẽrarã beibarabasi. 17 Baduba i kayirua bed’eabʉbʉrʉ yi zeze ʉ̃rʉ mawũã ẽ bʉrʉ yi papa ʉ̃rʉ maʉ̃ra beibarabasi. 18 Yumakẽrã ũme yõbarabʉde aba posidabʉrʉ mõgaraba mawũã ẽ bʉrʉ puñoba naʉ̃ta bei ẽ basibʉrʉ akʉza kamanebasibʉrʉ, naʉ̃ta oibarabasi: 19 piradrʉseabasibʉrʉ akʉza bakuru k’arebaba wãseabasibʉrʉ, yi maʉ̃ podara abarika zʉbʉria oẽ baibarabasi; awuarabʉrʉ iyi mawũã poda k’area pagaibarabasi iyi trajo neẽ bida baera iyi biayeda. 20  »Ẽbẽra abaʉba bakuruba pora iyi nezok’ata mawũã ẽ bʉrʉ iyi nezok’a wẽrãta, yumakẽrãta mawũã ẽ bʉrʉ yuwẽrãta maʉ̃ yumakẽrã juwade beira iyisida abarika odaibara». 21 Mamina, maʉ̃ ẽbẽrata bei ẽ basibʉrʉ ewari ababayeda akʉza ewari ũmebayeda abarika oda ẽ baibarabasi maʉ̃ ẽbẽrarã, maʉ̃ ẽbẽraba edasi baera iyi plataba. 22 »Yumakẽrã yõbarabʉde podara yuwẽrã biogo kiruta akʉza iyi toi ewari nãã tora mamina mia k’aita bei ẽ mina, yi podabara diaibara yuwẽrã kimaba widibʉrʉta. Adewara pagaibara juez’raba jarabʉrʉde. 23 Mamina abaʉta beira, bʉsida abarika odaibara, 28 Toro abaʉba yumakẽrãta mawũã ẽ bʉrʉ yuwẽrãta susibʉrʉ maʉ̃ba beira torora mõgaraba bata beadaibarabasi adewara yi chichira kobeda ẽ baibarabasi. Mamina toro yibarira zʉbʉria oda ẽ baibarabasi. 29 Toroba ẽbẽrata su k’awuabasibʉrʉ, maʉ̃ta yibariba k’ãrẽ oẽ basibʉrʉ maʉ̃ne yuwẽrãta sura mawũã ẽ bʉrʉ yumakẽrãta sura mawũã beara, maʉ̃ torora mõgaraba bata beadaibarabasi akʉza yibarisida beadaibarabasi.