Juan

19 Mõbe Pilatobara umarẽã jarasi Jesura. 2 Aramaʉ̃ta gorogororabara jʉ̃kara ʉrʉ korona ka kʼãrãpe burude jʉ̃bisida akʉza jʉbisida wua batatata. 3 Arakaita ze kʼãrãpe jarapanasi: «Bia bara judiora nokʼo», mõbe kĩrãma tachipanasi. 4 Aramaʉ̃ta Pilatora akʉza jẽda ʉ̃tʉ ze kʼãrãpe jõmaʉ̃ra jarasi: «Ũrĩdua, akʉza jeda ãĩ webʉrʉ ũdusi baera kʼãrẽ neneẽã bʉta». 5 Aramaʉ̃ta Jesura ʉ̃tʉ zesi jʉ̃kara ʉrʉ korona burude jʉ̃ akʉza wua batata jʉ̃. Pilatoba jarasi: «Akʉidua naʉ̃ yumakẽrãta». 6 Mamina, sacerdoteraba akʉza ãyi kʼaidu panʉraba ũdusidadera jʉra jarasida: «Bakurude tachi jirabʉidua, bakurude tachi jirabʉidua». Maʉ̃ kʼarea Pilatoba jarasi: «Marabʉrʉ edeidua akʉza beaidua, mʉ̃ara ũdu ẽ baera kʼãrẽ nekayirua odata». 7 Aramaʉ̃ta judiorabara jarasida: «Daibara ley aba erpanʉ, maʉ̃ leydera jarabʉ beaibarata iyikʉza Daizeze warra asi baera». 16 Aramaʉ̃ta Jesura ãyaʼa diasi bakʉrude tachi beadamarẽã, maʉ̃ba edesida ãyara. 17 Akʉza Jesubara atusi bakuru iyi beadaira, mõbe edesi Buru Bʉwʉrʉ awa apanʉma, hebreo bedʼeadera jarapanʉ Gólgota. 18 Mama bakurude tachisida awuru yumakẽrã ũmeʉ̃me, aba juwaʼãkare akʉza juwarare, Jesura ẽzadra bʉsida.