Lucas
6 Mama bʉbʉrʉ ẽbẽra aduʼa bʼaita jʉrʉbʉta, maraba aduʼa bʼai kãgabʉra ãyibawara bayi. Mamina ẽbẽra aduʼa bʼaita jʉrʉbʉta neẽbʉrʉ, aduʼa bʼaira marama jẽda wãñi. 21 Maʉ̃ ewaride mejãcha sobiabasi jaure zareadeba akʉza jarasi: «Jõmaʉ̃ra daidu bʉ ʉ̃rʉ ibia bedʼeayi, Zeze, bajã Nokʼo, drʉa Nokʼo, bʉara jʉra kʼawua merasi baera naʉ̃ra nekʼãrẽra buru biaraneba, awurabʉrʉ ũdubisi wũãwũã zakera. Mawũã Zeze, kʼãwũã obʉrʉra bʉmara bigabasi baera». 25 Mawũẽra yumakẽrã Ley ʉ̃rʉ bia kʼawuabʉba kʼawuakĩrãbasi Jesúsba kʼãrẽaba kʼawuabʉta maʉ̃ba widisi: «Mia Ũrãgʼabari, ¿kʼãrẽta oibara mʉ̃ ewari jõmaʉ̃nẽ bʼaita?». 26 Iya jarasi: «¿Kʼãrẽta bʉchu Leydera? ¿Bʉara kʼãrẽta lebari?». 27 Yumakẽrãba panʉsi: «‹Kãgaibara bʉ Zeze Jeowara bʉ soiduba, bʉ kakua jõmanẽba, bʉ zarea jõmainʉba akʉza bʉ krĩchaiduba› akʉza ‹yãrã kãgara bʉyi kĩrãkʼa›». 28 Jesúsba jarasi: «Aripe panʉsi; naʉ̃ta obʉbʉrʉ ewari jõmaʉ̃nẽ bayi». 29 Mamina naʉ̃ yumakẽrãba aripe obʉta ũdubiya, Jesuʼa widisi: «¿Kʼaita kʼarebaibara mʉ̃ara?». 33 Mamina samaritano maʉ̃ ode wãta, iyidu zesi, maʉ̃ ũdubʉrʉde so zʉbʉria akʉsi. 34 Mawuẽrã orra kʼãrãpe, iyi pokuadamae nedragaba akʉza binoba ʉ̃rʉ soasi mõbe wuaba bʉrasi. Maʉ̃ tẽã iyi nedʉwʉrʉ ʉ̃rʉ baribi kʼãrãpe edesi kʼãĩbadaidu mõbe akʉsi. 36 ¿Maʉ̃rã ũbeadebemabara bʉmara sãʉ̃ba ũdubisi wãrĩnu kʼarebasita nezrʉgamiãrãba jidadara?