1 Pedro
2 Wũãwũã yi zake todaba, judokĩrãbʉ kĩrãkʼa, marabida Daizeze Bedʼeata kʼawuakĩrã panaibara zarea bamarẽã ẽdrʉita, 9 Mamina marara yi jidamabasi, nokʼo saserdotera, pʉwʉrʉ jaigua ẽ bʉ, pʉwʉrʉ mʉ̃ita jidada, jarakʼadamarẽã badu mae nebia erbʉta, yi mara parĩgʉadeba ewara eda trʉ̃nanebemata. 10 Nããrara marara pʉwʉrʉ ẽ basi baera, mamina atiara Daizeze pʉwʉrʉ, nawedara marara so zʉbʉria akʉda e basi, mamina atiara so zʉbʉria akʉsida. 12 Wuabema daidu kʼẽrẽpapanʉta ũdubipanʉbʉrʉ aña bedʼea bʉdabʉsida ũdukʼawuadayi mara nebia opanʉneba, mawũã odara Daizeze ewari zebʉrʉde Daizeze ʉ̃rʉ ibia bedʼeabidayi. 13 Jesu kʼarea dayirãra ẽbẽra buru edrebaibara, nokʼora edre, ãyira yi buru baera, 14 mawũã ẽ bʉrʉ yi zokʼabʉra edre, ãyira zokʼasida baera yi aña oda zʉbʉriabita akʉza yi nebia obʉaʼa nebia diaita. 17 Jõmaʉ̃ʼa wawia ũdubidua, mebẽrã jõmaʉ̃ʼa kãgata ũdubidua, Daizezeʼa wawia ũdubidua akʉza nokʼoʼa wawia ũdubidua. 18 Nezok’arabara ũrĩbara ãyi nok’ora bed’eara akʉza wawia ũdubibara, mawũã ẽbẽra biabʉrʉ akʉza bia krĩchape panʉrabʉrʉ ũdubi ẽ baibara awuarabʉrʉ sobiaita zareabʉraitabida ũdubibara. 19 Abaʉta bed’ea zroma ũdubʉbʉrʉ akʉza zʉbʉriabʉbʉrʉ Daizeze nãã aripe oi k’area, maʉ̃ra jõma biga. 20 Marata nemitia oda kʼarea podara, ¿kʼãrẽa zarea bʼai? Mamina nebia obʉ kʼarea zʉbʉria odara, maʉ̃ta zarea obʉbʉrʉ Daizezebara bia akʉbʉ. 21 Marara naʉ̃ kʼarea trʉ̃sida, Kristora mara kʼarea zʉbʉriasi mawũã yizata amaesi maraba iyide kĩrãkʼa odamarẽã. 22 Iyira kayirua oẽ basi akʉza sewa nebʉrʉ okabasi. 23 Iyi ijʉra jarasidadera iyara ijʉra jara ẽ basi. Iyi zʉbʉriasidera yarãta zʉbʉria oita krĩcha ẽ basi, awuarabʉrʉ iduaribisi Daizezeba k’awua omarẽã. 24 Iyira beisi dayirã nemitia k’area bakurude, mawũã dayirã nemitia jõbita, neneẽãpanamarẽã, iyi beidadeba dayirã kʼarebasi.