Mateo

3 Mawũẽra Moisés ley jaradiabariraba ãyi bitabai mawũãsida: «Naʉ̃ra Daizeze ʉ̃rʉ imitia bedʼeabʉrʉ». 4 Jesuba kʼawuabasi baera ãya kʼãrẽta krĩchabʉta, ãyaʼa mawũãsi: «¿Kʼãrẽa mara sodera mitiatrʉ krĩchapanʉ? 12 Jesuba ãya ũrĩsi baera jarasi: «Yi neneẽãpanʉrabara medikoeda wãira nesida ẽ, mamina yi kayapanʉrãra medikoeda wãibara. 13 Wãidua mõbe biʼia kʼawuaidua Daizezeba kʼãrẽta jarakĩrãkʉasita naʉ̃ bedʼeadeba: ‹Mʉ̃a kãgabʉ so borekea akʉdamarẽã wuabemarata sakripisiorata oi kaude›. Mʉ̃ara akʉ ze ẽ basi baera yi kʼẽrẽpabʉrata, awuarabʉrʉ nekayirua omiarata». 22 Jesúsbara jẽda akʉ kʼãrãpe jarasi: «Kau perarãra, bʉa ĩjãta erbasi baera bebʉrua». Aramaʉ̃ta maʉ̃ ẽbẽra wẽrãra besi. 35 Jesura wãsi pʉwʉrʉ zromaza akʉza pʉwʉrʉ zake jõma. Jaradiabasi sinagogade Daizeze Nok’o ʉ̃rʉ, maʉ̃ne jõma bebisi nebariduba kayabʉra akʉza puabʉra. 36 Kabana ũdubʉrʉdera so zʉbʉria akʉbasi popanʉ kĩrãk’a akʉbasi baera, maʉ̃ba obejarãra yi akʉbari neẽ kĩrãk’abasi 37 Ara maʉ̃ta iya jarasi iyi kʼaidu panʉra: «Mawũã ne u jʉrepeira mejãchabʉ, mamina yi jʉrepeira wika panʉ. 38 Maʉ̃ba yi zokʼabʉa wididʉa aʉdre zokʼamarẽã kʼaiba jʉrepeita».