Esdras

3 Jedeko 7de israelitara ãyi pʉwʉrʉde panʉta ãba zesida Jerusaléne iyabaʉta odaita. 2 Jesúa Jeozadac warrata akʉza iyi neũduk’awua saserdoterata adewara Zorobabel Sealtiel warrata akʉza yi mebẽrãta, ãya jẽda ara osida altar Daizezeita badata sakripisio ba diaita, Moisés leide bʉbada kĩrãk’a. 3 Ãyi mejãcha perabasimina ãyi pʉwʉrʉ k’awapanʉ k’area, osida altar iyi badamãẽ. Mawũã dia jʉ̃drʉsida sacripisio Jeowaita, diapedabemata akʉza kewarabemata. 4 Akʉza osida Piesta ne u jõma Jʉrepedadebema leide chu kĩrãk’a, ewariza sakripisio diasida b’aita maʉ̃ ewaride diai badata. 5 Diasida jõma oprenda diaibadara, oprenda jedeko egue ewaride diai badata akʉza jõma piesta Jeowaita obʉta, ẽbẽraba Jeowa soiduba. 6 Opreda diakĩrãbʉsida osida, jedeko 7 ewari jʉ̃drʉita diasida sakripisio babʉta Jeowa templode yi drĩdaura ne ẽ basimina. 10 Templode drʉ̃dau maparãsidadera, saserdoterabara ãyi wua jʉ̃bʉta jʉ̃panasi akʉza trompetata erpanasi, levitara Asaf wũãwũãraba erpanasi simbalota, ãyi piradrʉpe Jeowa trãsida David’ba jarada kĩrãk’a, 11 Jeowa trã jũdrʉsida akʉza biga diapanasi, naʉ̃ta trãpanasi: «iyira ẽbẽra bia, kãga jõkata ũdubibʉ pʉwʉrʉ Israelra», maʉ̃ tẽã pʉwʉrʉ jõmaʉ̃ta nemi jĩgua trãsida Jeowa, Jeowa de drʉ̃daʉta parãsida baera. 12 Saserdoterata, levitarata akʉza tribuza nok’o badarata maʉ̃ne eda zõrãrã templo ũdudasida, ãyira mejãcha jẽgasida ũdusidade Jeowa de drʉ̃daʉ jõma parãnata akʉza ũkʉrʉta mejãcha jʉrapanasi sobiaba, 13 mawũẽra ẽbẽrabara k’awuada ẽ basi saʉ̃ta sobiaba jʉrabʉta akʉza saʉ̃ta sopʉaba jẽgabʉta, mejãcha jʉrapanasi baera, jĩgaʉba ũrĩpanasi maʉ̃ra.