Hebreos

12 Mõbe, dayi audura erpanʉ mejãcha mebẽrãrata, maʉ̃ kʼarea dayirã zʉgʉara akʉza nekayirua yi edebibʉta ãĩ bʉedaibara, mõbe zarea wẽbadadrʉ o dayirã nããbʉde 2 akʉpanʉena Yi nãã edebari akʉza Daya ĩjãbʉ audre ĩjãita k’arebabʉra, maʉ̃ra Jesu. Jesubara awuantasi iyira beibasimina bakurude, iya k’awuabasi baera mawũã zʉbʉriada tẽã jʉ̃nea sobia b’aibasita akʉza iyira jewedasi Daizeze bʉgue biade juwarare. 3 Biʼia krĩchara sãwũã yi kayiruaraba imitia jaradata akʉza zʉbʉriabidata, mawũã odara paeda ẽ bayi akʉza awuantadayi. 5 Akʉza marabara jipa kĩrãduasida ũrãg’a maraʼa jaradara wũãwũãra jarai kĩrãkʼa: «Mʉ̃ warra, kʼãrẽ ẽ kĩrãkʼa akʉrãra Jeowaba kʼẽãbʉra mia iya bʉ ara obʉrʉdera paerãra, 6 Jeowabara kʼẽãbʉ baera iya kãgabʉra. Adewara kastigabʉ iyi wũãwũã kĩrãkʼa akʉbʉra». 7 Mawũã kʼẽãbʉba ara obʉ baera awuantaibara. Daizezebara iyi wũãwũãra kĩrãkʼa akʉbʉ. ¿Kʼai yibariba kʼẽã ẽ yi wũãwũãra? 9 Adewara, yibarira udabemabara kʼẽãbasi dayirãra maʉ̃ba dayirãba wawiabasi. Maʉ̃ karea, ¿dayirãbara audre wawiaibara ẽka Daizeze bajãnebemara, adewara dayi babibʉta? 10 Adewara ãyara dayirã kẽãbasi ãyima araobʉrʉ ũduyieda, mamina iyara dayirãra kʼẽãbʉ bia bamarẽã akʉza mawũã neneẽã bʼaita iyi kĩrãkʼa. 11 Dayi sãwũã kʼẽãbʉdasida atia wedara sobiabi ẽ, awuarabʉrʉ pʉabʉ. Mamina maʉ̃ tẽãra ũdubibʉ ne aripe oidebemata maʉ̃neba jaradiabʉrʉrãra. 16 jʉra k’awuapanaidua marane eda neẽbaita awurume k’ãĩta krĩchabʉta akʉza nek’ãrẽ bia Daizezedeba zebʉta kãga ẽãta, Esaúba oda kĩrãk’a, iyita nabemabasimina maʉ̃ta nedosi yikobari. 26 Maʉ̃ ewaribasidera iyi nemiba drʉara urebisi, mamina iya jarabʉrʉ: «Akʉza ʉrebiyi mʉ̃a, mamina drʉa awa ẽ awuarabʉrʉ bajãsida». 27 Kõbebʉrʉ bedʼea «akʉza» abʉbara jarakĩrãkʉ nekʼãre ʉrebʉra jõbita (ne parãnata) bamarẽã nekʼãrẽ ʉre ẽãta. 28 Dayirãba erpanai baera Nokʼo mia kʼaiba ʉrekata, jidapanadrʉ iyi biaba kãga ũdubibʉra, maʉ̃nebʉrʉ Daizezeita trajaita iya kãgabʉ kĩrãkʼa akʉza iyaʼa wawiata soiduba ũdubipanʉne.