Lucas

8 Maʉ̃ tea, iyara Daizeze Nokʼoba bedʼea bia erbʉta jaraka wãsi pʉwʉrʉza akʉza komunidaza. Yi Dose panʉrãra iyi kʼaidupanasi, 40 Jesu jẽda zeside, ẽbẽrarãbara bia edasida, jõmaʉ̃ba jʉ̃ãpanasi baera. 41 Maʉ̃ne zesi yumakẽrã Jairota, nokʼo sinagogadebemata. Maʉ̃ta Jesumaʼa sãkokodekʉba wãsi, jarada ʉ̃rʉ jarasi wãmarẽa iyi deidu, 42 iyi kau zake ababʉta, poaga 12bʉta beibodotanʉmasi baera, Jesu ode wãne kabanane edabasi. 49 Iyi bedʼea bʉeda, zesi Jairo nezokʼata, mõbe jarasi: «Bʉ kaura beidogoa. Kʼãrẽ jararãra Nejaradiabariaʼa». 50 Maʉ̃ ũrĩbʉrʉde Jesuba jarasi Jairoʼa: «Sopʉarãra, awuarabʉrʉ ĩjãta erbara, mawũã iyira bia bayi». 51 Deidu jʉ̃ẽside eda wãbisi, Pedrota, Juanta, Santiagota akʉza wẽrã zake yibarirata, maʉ̃ratrʉ eda wãsi. 52 Ẽbẽrarã jõmaʉ̃ta jẽgabasi akʉza mejãcha sopʉabasi maʉ̃ wẽrã zake kʼarea. Maʉ̃ kʼarea iya jarasi: «Wua jẽgaraidua iyira bei ẽ bʉa, bari kʼãĩnʉmʉa». 53 Maʉ̃ bedʼea ũrĩsidade ipidadrʉsida iyi kʼarea, kʼawua panasi baera beisita. 54 Mamina Jesubara jidasi maʉ̃ juwa wẽrã zakera, mõbe jarasi: «Wẽrã zake piradrʉra». 55 Iyi iñabara jẽda zesi, aramaʉ̃ta piradrʉsi. Jesuba jarasi yikota diadamarẽã. 56 Yibarirara arigʉ sobiasi, mamina Jesuba jarasi maʉ̃ berabaridata miõ jara ẽ bamarẽã.