Jeremías

7 Bʉa mʉ̃ra sewabʉrʉa Jeowa, bʉ sewade eda baesi. Zokʼasi bʉ zareata mʉ̃ ʉ̃rʉ mawũã bʉ juwa edre baesi. Atiara jõmaʉ̃ta ewari jõmaʉ̃nẽ mʉ̃ ʉ̃rʉ̃ ipidabʉ; ẽbẽra jõmaʉ̃ta mʉ̃ ʉ̃rʉ ipidapanʉ. 8 Mʉ̃ bedʼeabʉrʉza jʉraibara akʉza jaraibara: «Bedʼea pʉata akʉza zʉbʉriata». Adewara badua mʉ̃ ʉ̃rʉ ẽbẽrarãra imitia bedʼeapanʉ akʉza ipidapanʉ mʉ̃a Jeowa bedʼeata jaradiabʉ kʼarea. 9 Mʉ̃a jarasi: «Wua bedʼea ẽ bayi mʉ̃ra iyi ʉ̃rʉ akʉza iyi trʉ̃neba bedʼea ẽ bayi». Mamina iya bedʼea jaradara mʉ̃ sode pʉrea eradrʉnʉmʉ kĩrãkʼa basi maʉ̃ta mʉ̃ bʉwʉrʉraba idu ãi wãbi ẽ kĩrãkʼa besi akʉza mʉ̃ra mapaesi; wua awuanta ẽ basi. 11 Mamina Jeowara mʉ̃me basi gorogoro bia kĩrãkʼa. Maʉ̃ba mʉ̃ pewapanʉrãra baedayi akʉza bia wãna ẽbayi. Ãya mʉ̃ra neida okĩrãbasimina mawũã berabaribida ẽbayi. Ãyi mawũã berabaridara kĩrãduada ẽbayi.