Rut

13 ¿marabara jʉ̃ãika ãyi wariyeda mawũãtrʉ juwa jidaita? Marara mawũã dããrabayeda juwa jida ẽ panaika? Mawũã ẽ kau zakera. Jeowara mʉ̃ ʉ̃rʉ zebʉrʉ, akʉza mʉ̃a krĩchabʉrʉde mara kʼãrẽba zʉbʉriabibʉmʉta, mʉ̃ra arigʉ sopʉabʉ». 14 Akʉza ãyira jẽda mejãcha jẽgasida. Maʉ̃ tẽã Orpábara iyi pakõre ñega kʼãrãpe wãsi, mamina Rutbara idubʉamabasi iyira. 16 Mamina Rutba jarasi: «Akʉza jẽda jararãra mʉ̃a bʉta idubʉmarẽã, bʉdeba wãita, mʉ̃ra bʉ wãbʉrʉmae wãi baera akʉza bʉ ũnadrʉbʉrʉmae mʉ̃sida ũnadrʉyi. Bʉ pʉwʉrʉra mʉ̃ pʉwʉrʉ bayi akʉza bʉ Daizezera mʉ̃ Daizeze bayi. 17 Bʉ beibʉrʉ mae mʉ̃sida beiyi, mõbe mama joʉdayi, Jeowaba mʉ̃ra kʼawua zʉbʉria oyi mʉ̃a bʉta idubʉra, beidogo kʼarea yi idubʉkʉ ẽ bʉrʉ. 20 Iya jarabasi: «Mʉ̃ra Noemí araidua. Mʉ̃ra jaraidua Mara, Ne jõma oseabʉbara mʉ̃ bebʉra ãrĩbʉrʉ baera. 21 Mʉ̃a nejõma erbasi mʉ̃ wãi nawedara, mamina Jeowabara mʉ̃ra jẽda juwa awa zebibʉrʉ. ¿Mʉ̃ra marabara kʼãrẽa Noemí apanʉ? Jeowara mʉ̃ ʉ̃rʉ zebʉrʉ. Ne jõma oseabʉbara mʉ̃ra mejãcha zʉbʉriabibʉrʉ».