Levítico
2 «Bedʼeara jõma pʉwʉrʉ israelitarabawara, mõbe naʉ̃ta jarada: Marara neneẽã baibara, mʉ̃ra Jeowa mara Daizeze neneẽãbʉ baera. 3 Mara aba abakaʉba wawiaibara mara papata akʉza mara zezeta, adewara sabado ewarisida wawiaibara. Mʉ̃ra mara Daizeze Jeowa. 11 Nezrʉgaraidua, mia sewaraidua akʉza sewa nebʉrata jararaidua mayirainʉ. 12 Sewata wãrĩnu aribaeya arara Daizeze trʉ̃ne, mawũã opanaʉbʉrʉ Daizeze trʉ̃ ʉ̃rʉ imitia bedʼeadayi. Mʉ̃ra Jeowa. 13 Yãrãta sewa ẽ baibara mia zrʉga ẽ baibara. Erberãra ẽbẽra bʉme trajabʉ platara nrʉemane diaita. 14 Imitia jararãra ẽbẽraʼa kʉwʉrʉba ũrĩ ẽãbʉta, mia nekʼãrẽta bʉrãra ẽbẽra daʉberreabʉ nãã iyi baebita akʉza wawia ũdubira bʉ Daizezeʼa. Mʉ̃ra Jeowa. 15 »Bʉa kʼawua onʉmʉne aña orara. Daucha akʉra nekʼãrẽ neẽãbʉta akʉza yi plata barabʉta. Yãrã kʼawua obʉrʉde jõma aripe ora. 16 »Bʉ pʉwʉrʉde eda sewa nebʉrata jaraka wãrara. Piradrʉrãra yãrã bebʉta jãrĩta. Mʉ̃ra Jeowa. 17 Bʉ mebẽãra soiduba jʉrarãra. Yãrã kʼẽãra, mawũã iya nemitia obʉrʉde bʉra bedʼea neẽã baita. 18 Abarika kayirua oita krĩcharãra, bʉ pʉwʉrʉ wũãwũãrarã mia jʉra barara akʉza yãrã kãgara bʉyi kĩrãkʼa. Mʉ̃ra Jeowa 23 Mara drʉaeda jʉ̃ẽbʉrʉdera akʉza bakuru neta diabʉta ubʉrʉdera akʉibara maʉ̃ netara mitiachuta. Maʉ̃ra mitiachuta akʉibara poaga ũbeabayeda. Korarãidua. 24 Mamina poaga kimare berabaribʉrʉdera yi netara neneẽãbayi akʉza Jeowa nãã sobiabayi. 25 Akʉza poaga juesoma berabaribʉrʉdera yi netara koseabʉ, mawũã audre mejãcha zaʉyi yi netara. Mʉ̃ra mara Daizeze Jeowa. 26 »›Mia kʼãrẽ kobe ẽ waʉ̃mera. »›Jʉrʉda e baibara jarata akʉza magia oẽ baibara. 31 »Wãrãra jaibana beidaʉ̃me bedʼeabibʉma akʉza wãrãra ẽbẽra nek’ãrẽ oda aripe jaradiabarima, maʉ̃ba marata jaigʉa ẽ bamarẽã. Mʉ̃ra Jeowa mara Daizeze. 33 Ẽbẽra drʉa jãpeba zedata marabawara panʉbʉrʉ, zʉbʉria orãra. 34 Drʉa jãpeba zedara akʉidua mayi drʉadebema kĩrãkʼa akʉza kãgaidua mayikʉza kãgabʉ kĩrãkʼa, marata drʉa jãpeba zeda kĩrãkʼabasi baera Egiptode. Mʉ̃ra mara Daizeze Jeowa. 35 Yãrãta sewa ẽ baibara medibʉrʉde akʉza nekʼãrẽ pesabʉrʉde. 36 Zokʼara pesa biata, bia pesaita nekʼãrẽ banianebemata akʉza pesa biata zokʼara nekʼãrẽ awuru bia pesaita. Mʉ̃ra mara Daizeze Jeowa, Egipto drʉadeba ẽdrʉbida.