Lucas

2 Zokʼakʉasia jaradiade Daizeze Nokʼo ʉ̃rʉ akʉza kayabera bebikʉamarẽã. 27 Mʉ̃a wãrĩnuta jaraya, ʉ̃kʉrʉ maranebema nama panʉra bei ẽ bayi Daizeze Nokʼo ũdu ẽãra. 28 Maʉ̃ta berabarisi. Maʉ̃ bedʼea jarada ocho ewari berabarida tẽã, iyi kʼaidu edesi Pedrota, Juanta akʉza Santiagota, mõbe katʉmane wãzesi yiwidʼita. 29 Iyi yiwidʼibʉeda, iyi kĩrãta wuaratotosi akʉza iyi wuara ʉ̃na torroatotosi. 30 Maʉ̃ne yumakẽrã ũme iyiʉ̃me bedʼeanʉmasi: Maʉ̃ra Moisésbasi akʉza Elíasbasi. 31 Ãyira ʉ̃na yi ũdubisida, mõbe Jesu ʉ̃ta wãi ʉ̃rʉ bedʼeasida, Jerusalénʼne berabaribadata. 32 Pedrota akʉza iyi kʼaidupanʉrata jipa dapeapanasi, mamina ãyi daʉbaside, ũdusida iyi mejãcha ʉ̃nabʉta akʉza yumakẽrãra ũme iyi kʼawa piradrʉ panʉta. 33 Ãyi iyideba jĩga wãne, Pedroba jarasi Jesuʼa: «Nejaradiabari kʼãrẽ yibia dayirã nama panʉ baera. Odadrʉ karpa deta ũbea: aba bʉita, Moisésʼita akʉza Elíasʼita». Iyara kʼawua ẽ basi kʼãrẽ jaranʉmʉra. 34 Mamina iya maʉ̃ jarabʉeda, jãrãrata tougatotosi. Jãrãra tougabʉsiba ara anasi, maʉ̃ba perasi. 35 Maʉ̃ jãrãraneba bedʼeata jarasi: Naʉ̃ta mʉ̃ warra, mʉ̃ jidadapeada. Ũrĩdʉa. 36 Maʉ̃ bedʼea ũrĩside Jesura abapai edaʉnʉmasi. Ãyara chʉpea besi akʉza maʉ̃ ewaridera miõ nebʉrada ẽ basi ãya ũdʉda ʉ̃rʉra.