Levítico

13 »Yumakẽrã aba iyi kakua deba kaibata ʉ̃tʉ zebʉbʉrʉ akʉza maʉ̃ta taʉra iyira jaigʉa ẽ bayi, aramaʉ̃ta ewari 7 bayeda jʉachaibara iyi mawũã jaigʉa ẽã baita, adewara iyi wuara tõibara akʉza kuibara do drʉjirabʉmae, mawũã jaigʉa ẽ bayi. 14 8 ewari berabarida tẽã edeibara tortola ũme mawũã ẽ bʉrʉ pũsĩra wũãwũãta ũme, maʉ̃ra ũdubibara Jeowa nãã karpa de ãba yi jʉrebari eda wãbaride akʉza saserdote’a diaibara. 15 Maʉ̃ saserdotebara diayi maʉ̃ra ibanara aba diaibara oprenda nekayirua oda karea akʉza aba oprenda bama kĩrãk’a. Akʉza saserdotebara maʉ̃ ẽbẽra kakuadeba kaiba ʉ̃tʉ zebadadebara jaigʉa ẽã babiyi Jeowa nãã. 28 »Mamina, iyi ewaride wa ũdubʉta põasãdogobʉrʉ, jʉachaibara ewari 7 bayeda mawũã jaigʉa ẽã baita. 29 8 ewari berabarida tẽã edeibara tortola ũme mawũã ẽ bʉrʉ pũsĩra wũãwũãta ũme, saserdote’a diaibara karpa de ãba yi jʉrebari eda wãbaride. 30 Maʉ̃ saserdotebara ũdubiyi maʉ̃ra ibanara, aba diaibara oprenda nekayirua oda k’area akʉza aba oprenda bama kĩrãk’a. Akʉza saserdotebara maʉ̃ yuwẽrã wa iyi ewaride ũdubʉdeba jaigʉa ẽã babiyi Jeowa nãã. 31 »Mawũã marabara israelitarãra jaigʉabʉdeba jĩga erbaibara, ãyira mawũãra bei ẽ bayi mʉ̃ tabernakulo jaigʉa oda k’area, ãyi ẽzadrabʉta.