Ageo
3 ¿Maranebemanera k’aiba ũdusi nabema dera bi’ia kiruta? ¿mara mara nabemara yibia e basieka naʉ̃ira?. 4 »‹Mamina Zorobabel atiara zarea bara (jarabʉ Jeowaba) akʉza sumo saserdote Josué Jehozadac warra, zarea bara›. »‹Akʉza mara jõma zarea panaidua naʉ̃ drʉade panʉra (jarabʉ Jeowaba) akʉza trajaidua›. »‹Mʉ̃ra marabawarabʉ baera (jarabʉ Jeowaba, gorogorora nok’oba). 5 Kĩrãbeidua Egiptodeba ẽdrʉbʉrʉde mʉ̃a jaradata; mʉ̃ zareara marabawarabʉ. Peraraidua». 6 Naʉ̃ta jarabʉ Jeowa gorogorora Nok’oba, aranʉ jẽda ʉreyi bajãta, drʉata, pusata akʉza egorota. 7 »‹Ʉreyi pʉwʉrʉ naʉ̃ drʉade bʉta, maʉ̃neba nek’ãrẽ biata zeyi naʉ̃ deda, mʉ̃a mawũã oyi naʉ̃ dera jõmara audre yibiata›, jarabʉ Jeowa gorogorora nokʼoba. 8 Platara mʉ̃re akʉza orosida mʉ̃re, jarabʉ Jeowaba. 9 Naʉ̃ dera audre bi’ia kĩrãyi nããbema de badaira, jarabʉ Jeowaba. 20 Jedekodebema ewari 24baside, Ageobara ũrĩsi Jeowa bedʼeata yi ũmeta. Iya jarasi: 21 «Jarada Zorobabelʼa, Judá nokʼoʼa: Mʉ̃a ʉreyi bajãrata akʉza drʉata. 22 Mʉ̃ara jõbiyi nokʼora bʉguera akʉza nokʼora drʉadebema zareara jõbiyi. Ãyi karrurãra ãrĩñi mʉ̃ara akʉza yi edebarirasida, kabayorãra akʉza yi baribarirãra uma wãñi aba abaka ãyi mebẽã espadaba».