Salmo

15 Jeowa, ¿k’aita bʉ karpa dede baseabʉ? ¿K’aitrʉ baseabʉ bʉ katʉmanera? 2 K’ẽrẽpapanʉrata, bia opanʉrata akʉza soiduba wãrĩnu bed’eapanʉrata. 3 Awuru ʉ̃rʉ sewa nebʉrʉ jara ẽãta, wuabemara ʉ̃rʉ nemitia oẽãta akʉza iyi neũduk’awuara ʉ̃rʉ i kayirua jara ẽãta. 4 Jĩgabara ẽbẽra bia obʉ ẽãdebara, mamina wawiara Jeowa kãgapanʉrãra. Aripe obʉ iya jaradata bia wã ẽ mina. 5 Platata presta ẽ baibara audre ganaita, wuabemata kayirua oẽ plata k’ãrẽa. Yi mawũãbʉra neida berabari ẽ bayi.