Revelación

12 Bajãne nekʼãrẽta ũdusi: wẽrãba ũmadaʉ wua kĩrãkʼabʉta jʉ̃basi, iyi jĩrʉ edre basi jedekota akʉza iyi burudera erbasi koronata maʉ̃ne 12 chĩdaurabasi. 2 Iyira biogobasi akʉza tobodobasi baera maʉ̃ pʉaba biabasi. 5 Iyara tosi yumakẽrãta, naʉ̃bara zokʼayi pʉwʉrʉra ʉ̃rʉ bakuru jiorro omaba. Naʉ̃ wũãwũãra edesida Daizezema akʉza iyi bʉguema. 7 Yõ jʉ̃drʉsi ʉ̃tʉ bajãne: Miguelta iyi angelebawara yõsida dama zromaʉ̃me akʉza maʉ̃ damata iyi angelbawara yõsida, 8 ãyara gana ẽ basi akʉza mia sama b’aita nẽẽ basi ʉ̃tʉra. 9 Dragon zromara, iyabau dama nããrabemata jʉretasida, maʉ̃ra trʉ̃gapanʉ Diaru iyabaʉta jarapanʉ Satanás, iya naʉ̃ drʉa jõmaʉ̃nẽbemata sewa erbʉ. Iyira jʉretasida naʉ̃ drʉa eda angelera iyi k’aidupanʉrabawara. 10 Adewara ʉ̃tʉ nemi jĩgʉabʉta ũrĩsi, mama jarabasi: «Idibʉrʉ wãrĩnuberabaribʉrʉ ẽdrʉbira, zareata akʉza Daizeze Nok’ota, adewara Kristoba zok’a jʉ̃drʉita. Eda jʉretasida baera dayirã mebẽrã ʉ̃rʉ i kayirua bed’eabʉra, maʉ̃bara ewaride, diamasi i kayirua bed’eabʉ Daizeze nãã. 12 Jõma bajãne bʉrara mejãcha sobiaidua, mamina naʉ̃ drʉadebera akʉza pusadebera kaʉ bʼaidua, Diarura (Ãtomĩa) marama wã baera. Iyira mejãcha kĩrʉbʉa, iya k’awuabʉ baera iyi beira arak’aitabata.