Hebreos

4 Akʉra naʉ̃ ẽbẽrarã k’ãrẽaba yibiabasita, Abrahán mebẽrã buruba iya nek’ãrẽ bia erbadata 10 diasi. 5 Wãrĩnu, Leyba jarabʉdera Leví wũãwũãra saserdoterabara diesmota widibarabasi pʉwʉrʉra, maʉ̃ra yi mebẽrã, ãyi Abraháneba zedabasimina. 6 Mamina naʉ̃ yumakẽrã Leví wũãwũãraneba zeda ẽãba jidasi diesmo Abrahánba diadata akʉza naʉ̃ yumakẽrãba ibia bed’easi iyi ʉ̃rʉ. 7 Mia abaʉba merabe ẽ yi nããbemaba nebia diabʉta yi tẽãbema. 8 Adewara yi nããra, yi diesmo jidapanʉrãra yumakẽrã beibaribasi, kõbe ababemara iyi ʉ̃rʉ jarabʉ wabida zok’aibʉta. 9 Akʉza Leví ʉ̃rʉ jaraseapanʉ iya diesmo jidabasimina, iya diesmo pagasi Abraháneba, 10 Melquisedec, Leví zõrãrãenabemaʉ̃me yi ũdusidadera Levíra wabida toda ẽ basi. 17 Naʉ̃ta jarabʉ iyi ʉ̃rʉ: «Bʉra ewari jõmaʉ̃nẽ saserdote baya Melquisedecbada kĩrãk’a» 18 Mawũẽra ley diadapeadara wua zokʼada ẽ zarea neẽ baera akʉza zeri ẽ baera. 23 Adewara, saserdotera mejãcha bʼaibarabasi ãyira beibasi baera. 24 Mamina iyira ewari jõmaʉ̃nẽbʉ baera, neẽ kʼaita iyibari saserdote babira. 25 Mawũẽra iyara ẽdrʉbiseabʉ iyideba Daizeze orrapanʉrãra, iyira ewari jõmaʉ̃nẽbʉ baera, badua dayirãbari Daizezeʼa bed’ea zʉbʉria bed’eabʉa. 26 Dayirãbara nesidapanʉ baera saserdote iyi kĩrãkʼabʉta: kʼẽrẽpabʉta, kayirua neẽãbʉta, neneẽãbʉta, ẽbẽra kayiruadeba jĩgabʉta akʉza bajã ʉ̃tabʉta. 27 Iyira wuabemara seserdotera kĩrãkʼabʉ ẽ, ewariza sakripio oẽ baera (nããra iyi kayiruabari akʉza tẽã pʉwʉrʉ kayiruabari) maʉ̃ta osi baera iyi bebʉ diaside akʉza maʉ̃ta wua oẽbayi.