Revelación

22 Maʉ̃ta iya mʉ̃a ũdubisi bania dayi jẽda zokʼaibabiseabʉta, maʉ̃ baniara pãpãra kĩrãsi adewara maʉ̃ra drʉtabasi Daizeze jewedabarideba adewara Korderodeba, 2 maʉ̃ baniara o zromane drʉtabasi pʉwʉrʉde. Do kĩdaza basi bakurura dayi jẽda zokʼaibabiseabʉta maʉ̃ba ne u 12 diabasi akʉza jedekoza yi ta zaʉbasi, yi kiduara pʉwʉrʉra bebibaribasi. 3 Mia kai ʉ̃rʉ zeẽ bayi nekayiruara awuarabʉrʉ Daizeze jewedabarideta akʉza Korderodeta bayi pʉwʉrʉdera. Adewara iyi nezokʼarãra iyaʼa yiwidʼipanañi, 4 iyi kĩrãta ũdudayi akʉza ãyi datrʉde bʉ apanañi iyi trʉ̃ta. 5 wua kiu ẽ bayi, mia ĩbira ũnata nesida ẽ bayi mia bisiadeta, Jeowaba ũnabi baera akʉza ewari jõma zokʼadayi. 6 Angelba jarasi mʉ̃aʼa: «Naʉ̃ra bedʼeara kʼẽrẽpabʉ akʉza wãrĩnu, mawũã Jeowaba propetara nekʼãrẽ obidaba zokʼasi iyi angelta ũdubita iyi nezokʼaraʼa kʼãrẽta berabarita aranʉbai. 7 Akʉra, aranʉ zeyi mʉ̃ra, yipa sobia bayi naʉ̃ propesia bedʼea ũrĩbʉra». 17 Daizeze jaure zareaba akʉza yuwẽrã kima ba zeiba badua jarapanʉ: «¡Zera!». Jõma maʉ̃ ũrĩbʉba jaraidua: «¡Zera!». Yi jõma obisiabʉra zeidua. Jõma yi bania dayi ewari jõmaʉ̃nẽ babibʉ bania dokĩrãbʉbara bari doidua. 20 Yi naʉ̃ ʉ̃rʉ jarakabʉba jarabʉ: ‹Mʉ̃ra aranʉ zeya›. «Amen, zera Nokʼo Jesu».