Lucas
3 Nok’o Tiberio Césarba 15 poagabaside zok’abʉta, Poncio Pilato gobernadorbaside Judea drʉade, Herodesba zokʼabaside Galilea drʉade akʉza yi mebẽã Filipoba Iturea akʉza Traconítide zokʼabaside adewara Lisaniasba Abilene zokʼabaside, 2 adewara Anás saserdotera burubaside akʉza Caifásta, maʉ̃ ewade Zacarías warra Juanba desiertode ũrĩsi Daizeze Bedʼeata. 3 Mawũẽ Juanꞌra Jordán drʉaeda wãsi ẽbẽrarã jarakaita, mawũã ãyi buru kʼoebʉrʉba ũdubita ãya nekayirua obadara idubʉsidata. 4 Aripe berabarisi propeta Isaíasba iyi librode bʉda kĩrãkʼa: «Ẽbẽra abaʉta nemi jĩgʉa jʉrabʉ desiertode: ‹Ara oidua Jeowa ora jipa babidua iyi ora, katuma zroma ʉ̃tʉnʉmera daucha okʉayi jõma. 5 Ẽjũã jogojogokanʉmemaera ara birakʉayi jõma, o jʉreabʉrãra ara oibara, o bia ẽãra ara oibara. 6 Jõmaʉ̃ba kʼawuadayi Daizezeba kʼaideba ẽdrʉbita». 10 Mejãchaʉba widipanasi: «Mawũẽra, ¿Kʼãrẽta odaibarape?» 11 iya panʉsi: «Wuata ũme erbʉbʉrʉ yi neẽãbʉa aba diaseabʉ abarikʼa oseabʉ yi yiko barabʉbida». 12 Nokʼoita plata widibʉraisida buru kʼoeda zesida, mõbe widipanasi: «Jaradiabari, ¿kʼãrẽta odaibarape?». 13 Iya panʉsi: «Plata widibʉdadera ʉ̃ta widiraidua». 14 Gorogororabida widipanasi: «¿Kʼãrẽta odaibarape?». Iya panʉbasi: «Akʉza yãrãta sewaraidua plata kʼarea, akʉza yãrãta sewaraidua, sobiaidua mara pagapanʉbitapaiba». 15 Jõmaʉ̃ba jʉ̃ãpanasi kʼãrẽta berabarita akʉza kʼawuakĩrãpanasi Juanꞌra Kristo kʼawuaita. 16 Maʉ̃ kʼarea Juanba ãya kĩrãkita jara ũrĩbisi: «Mʉ̃a marara baniaba buru kʼoebʉ mamina ʉ̃rʉ audre yi zromata mʉ̃ira mõbe mʉ̃ra kʼãrẽ ẽ iyi sandaliasida wẽãira iyara buru kʼoeyi jaure zareaba akʉza pʉreaba. 17 Iyi juwade erbʉ trigo jãrãzoabarita mawũã neneẽã amaeita iyi trajabʉmae, mawũã trigo jʉrepe kʼãrãpe wuagaita iyi wuagabarimae. Mawũã yi trigo jõrã tʉbʉ kiẽãnʉmʉmae babʉedayi». 18 Maʉ̃ awuara mejãcha ũrãgʼasi yi ũrĩpanʉra adewara bedʼea biasida jaradia wãsi. 23 Jesúsba jaradia jũdrʉsidera 30 poaga basibaibara. Jarapanasi iyira José warrata, Helí warrata, 24 Matat warrata, Leví warrata, Melquí warrata, Janaí warrata, José warrata, 25 Matatías warrata, Amós warrata, Nahúm warrata, Eslí warrata, Nagái warrata, 26 Maat warrata, Matatías warrata, Semeín warrata, Josec warrata, Jodá warrata, 27 Joanán warrata, Resá warrata, Zorobabel warrata, Sealtiel warrata, Nerí warrata, 28 Melquí warrata, Adí warrata, Cosam warrata, Elmadam warrata, Er warrata, 29 Jesús warrata, Eliezer warrata, Jorim warrata, Matat warrata, Leví warrata, 30 Simeón warrata, Judas warrata, José warrata, Jonam warrata, Eliaquim warrata, 31 Meleá warrata, Mená warrata, Matatá warrata,Natán warrata, David warrata, 32 Jesé warrata, Obed warrata, Boaz warrata, Salmón warrata, Nahsón warrata, 33 Aminadab warrata, Arní warrata, Hezrón warrata, Pérez warrata, Judá warrata 34 Jacob warrata, Isaac warrata, Abrahán warrata,Taré warrata, Nacor warrata, 35 Serug warrata, Reú warrata, Péleg warrata, Éber warrata, Selá warrata, 36 Cainán warrata, Arpaksad warrata, Sem warrata, Noé warrata, Lamec warrata, 37 Matusalén warrata, Enoc warrata, Jared warrata, Mahalaleel warrata, Cainán warrata, 38 Enós warrata, Set warrata, Adán warrata, Daizeze warrata.