Santiago
7 Maʉ̃ kʼarea mebẽrã, jʉ̃ã kʼawua bʼaidua Señor ewari zeyeda. Akʉidua, ne u ubʉbara jʉ̃ãbʉ yi ne u biʼia pãwãrañena, iyara jʉ̃ãbʉ kue nãã zebʉrata akʉza tẽã zebʉrata. 8 Marabida jʉ̃ãbaibara; mara sora zarea erbaidua, Señor ewari zeira arak’aita ba baera. 10 Mebẽrã, propetara Jeowa trʉ̃are bedʼeadaraba oda kĩrãkʼa oidua, awuantaidua bedʼea zroma erbʉde akʉza jʉ̃ã kʼawuapanaidua. 11 Akʉidua, ãyira mejãcha sobiabʉ awuanta zebʉda baera. Marabara ũrĩbada Job’ba awuantabadata akʉza ũdusida Jeowabara arigʉ kãgata wuabemara adewara so zʉbʉria akʉbʉta. 13 ¿Marane edabʉka yi zʉbʉriabʉra? Iyira yiwidʼibaibara. ¿Marane edabʉka yi sobiabʉra? Trãbaibara. 14 ¿Maranebʉka kayabʉra? Trʉ̃ra zõrãrã kongregasionebemata iyibari yiwid’idamarẽã, nedragaba zoadamarẽã Jeowa trʉ̃neba. 15 Ãyi soiduba yiwid’ibʉde iyi kayabʉbʉrʉ jẽda biaseabʉ akʉza Jeowaba piradrʉbiyi. Iya nemitiata osibʉrʉ maʉ̃sida kĩrãduaya. 16 Maʉ̃ k’area, jõma jaraidua mara kayiruara yiya mayirainʉ akʉza yiya yiwid’idua mayirai k’area, marata zrogapanamarẽã. Ẽbẽra jipabʉta yiwid’ira, Daizezeʉ̃mebʉbʉrʉ, zarea mejãcha erbʉ. 17 Elíasʼra dayi kĩrãkʼa krĩchabasi, mamina kueta ze ẽ marẽã soiduba yiwidʼisidera, kuera ze ẽ basi poaga ũbea audrebayeda. 19 Mebẽrã, maranebemata ʉ̃kʉrʉba aña krĩchabira wãrĩnu ʉ̃rʉ akʉza ʉ̃kʉrʉba jẽda zebira,