1 Juan

2 Marara mʉ̃ warrara kĩrãk’abʉ baera, mʉ̃a naʉ̃ta bʉbʉ nekayirua oda ẽ bamarẽã. Mamina, abaʉba nekayiruata ora, erpanʉ k’areba Daizeze k’awabʉta: Jesukristota, iyara nejõma aripe obʉ. 2 Iyira beisi dayirã kayirua kĩrãduamarẽã, mamina dayirã kayirua abaʉ k’area bei ẽ basi, awuarabʉrʉ jõma kayirua k’areabida beisi. 4 Abaʉba jarara: «mʉ̃a ũdukʼawua zezi» mamina oẽbʉrʉ Daizezeba jarabʉta, maʉ̃ra sewa nẽbʉrʉomia. 15 Naʉ̃ drʉadebʉta kãgaraidua mia maʉ̃ne nek’ãrẽ bʉsida. Abaʉba naʉ̃ drʉadebemata kãgabʉbʉrʉ Daizeze kãgara iyiʉ̃me bʉ ẽ. 16 Nejõma naʉ̃ drʉadebemara naʉ̃, dayi yaraba kãgabʉta, dayi dabʉba kãgabʉta, daya nek’ãrẽ erbʉdeba ʉ̃ta krĩchabʉta, naʉ̃ra Daizezedeba ze ẽ awuarabʉrʉ naʉ̃ drʉadebema. 17 Naʉ̃ drʉara berabari wã akʉza ãyi krĩchasida, mamina Daizezeba jarabʉ obʉra ewari jõmaʉ̃nẽ bayi. 20 Marabara diada erpanʉa jaure bia Daizezedeba zebʉta, maʉ̃ta k’awuapanʉ mara jõmaʉ̃ba. 27 Marabara erpanʉ jaure bia iyideba zedara akʉza waebʉ ẽ mara’a jaradiabara b’aira. Mamina jaure bia iyideba zebʉra wãrĩnu, sewida ẽ, iya maraʼa nejõma ʉ̃rʉ jaradianʉmʉ. Mara’a jaradiabʉrʉ kĩrãk’a ãba panaidua iyiʉ̃me.