Daniel
12 Maʉ̃ ewaridera Miguelta piradrʉyi, nokʼo zroma bʉ pʉwʉrʉarebʉta. Maʉ̃ ewaridera zeyi zʉbʉria ẽbẽra bedadeba yẽta dayirã ewari basidu ũdukabadata. Maʉ̃ ewaridera ẽdrʉyi bʉ pʉwʉrʉra jõma yi librode bʉchubʉra. 2 Mejãchaʉta egorode kʼãĩnʉmʉra ʉrʉmañi, ʉ̃kʉrʉra ewari jõmaʉ̃nẽ bʼaita adewara ʉ̃kʉrʉta ãyi so perabidaita akʉza ewari jõmaʉ̃nẽ jʉradaita. 3 »Yi buru biarãra uruyayi bajã kĩrãkʼa akʉza yi mejãchaʉʼa jaradiabʉra aripe oita, uruyayi chĩdau kĩrãkʼa ewari jõmaʉ̃nẽ. 4 »Daniel bʉara waya bi’ia wuagara naʉ̃ bed’eata akʉza bi’ia k’arada naʉ̃ librora jõñena. Ẽbẽra mejãchaʉba jʉra kʼawua akʉdayi, wãrĩnu kʼawuapanʉra eaba wãñi». 8 Mʉ̃a ũrĩsi, mamina bia kʼawua ẽ kʼãrẽta. Maʉ̃ kʼarea jarasi: «Señor, ¿kʼãrẽta berabari?». 9 Iya jarasi: «Wãra Daniel, maʉ̃ bedʼeara mia abaʉba kʼawua ẽ bʼai baera naʉ̃ drʉa jõñiena. 10 Mejãchaʉta sʉgʉdayi, neneẽã bayi akʉza jaigʉa ẽ bayi. Akʉza ẽbẽra kayiruarabara jipa nekayiruata oyi adewara ũrĩna ẽ bayi. Yi biʼia kʼawuapanʉrabʉrʉ ũrĩnañi. 13 Bʉra wãra jõñena. Enaʉ̃ñi, mamina ewari jõbodo berabarida tẽã piradrʉyi bʉaʼa diaya adapeada jidaita.