Salmo
46 Daizezera dayirã mĩrʉbari akʉza dayirãʼa zarea diabari, kʼareba diabari ewari jõmaʉ̃nẽ zʉbʉriabʉrʉde. 2 Maʉ̃ba perada ẽ bayi naʉ̃ drʉa awuara wãimina, katumara ta wãimina pusa nabʉade, 3 baniara mejãcha uga zeimina akʉza kopepea bʉeimina, mejãcha bʉkʼa bʉkʼabariba katumarãra ʉredaimina. 4 Dota ababʉ akʉza yi juwa zakerabara sobiabibʉ Daizeze pʉwʉrʉta, santota akʉza tabernakulo zroma Jõmaʉ̃ra ʉ̃tabʉdeta. 5 Daizezera pʉwʉrʉde edachʉ, kʼaiba ãrĩbi ẽ bayi. Daizezera zeyi ʉ̃ra ũnadrʉbʉside, bʉ kʼarebaita. 9 Naʉ̃ drʉa jõmaʉ̃nẽ jõbiyi yõra naʉ̃ egorodera akʉza bʉetayi enedrʉmara, wãrĩnu bʉgʉzʉabiyi miazʉra, gorogorora karru yõbarita babʉedayi. 11 Jeowa gorogororãra daibawarabʉ, Jacob Daizezera mirʉ̃bari kĩrãkʼabʉ dayirãitara. (Sélah)