Deuteronomio

20 »Bʉta yõena wãbʉrʉ yõita bʉ nejʉrarabawara akʉza bʉa akʉbʉrʉde ãyi kabayorãra, ãyi karrurãra akʉza ãyi gorogororãra audre kabananʉmʉta bʉreira, perarãra ãyi kʼarea, Jeowa bʉ Zezera, bʉ ẽdrʉbidara Egipto drʉadeba, bʉme chua. 2 Mara yõi arakʼaitadogodera, saserdotebara orrape pʉwʉrʉa bedʼeaibara. 3 Iya jaraibara: Ũrĩdua Israel. Mara yõira arababodo mara nejʉrarabawara. Sopʉaraidua. Perarãraidua akʉza zʉbʉriararãidua mia pididiarãraidua ãyi kʼarea, 4 Jeowa mara Zezera marabawara wã, marabari yõita mara nejʉrarabawara akʉza mawũã mara ẽdrʉbita.