Ezequiel

3 Aramaʉ̃ta iya mʉ̃aʼa jarasi: «Yumakẽrã warra kora bʉ nãã kʉbʉta. Kora naʉ̃ royota maʉ̃ tẽã bedʼea wãra Israel deda». 2 Mawũẽra mʉ̃ra ñasi, maʉ̃ne iya mʉ̃aʼa makobisi maʉ̃ royota. 3 Akʉza jarasi: «Yumakẽrã warra, kora naʉ̃ royo mʉ̃a diakʉbʉta mõbe naʉ̃ba jãwara». Mawũẽra mʉ̃a kosi, maʉ̃ra mʉ̃ idera kũrabari kĩrãkʼa kũabasi. 7 Mamina Israelbara ũrĩamabayi bʉ bedʼeara mʉ̃ bedʼeasida ũrĩkĩrã ẽ baera. Israeldebemara jõmaʉ̃ta buru zare akʉza so zare. 8 Akʉra, mʉ̃a osi bʉ kĩrãta zarea bamarẽã ãyi kĩrã kĩrãkʼa akʉza bʉ datrʉta zarea bamarẽã ãyi datrʉ kĩrãkʼa. Mʉ̃a obʉrʉ bʉ datrʉra diamante kĩrãkʼa bamarẽã, naʉ̃ra audre zareabʉ baera mõgaraira. Perarãra ãyi kʼarea, ãyi kĩrã kʼarea perarãra, ãyara jipa ũrĩkĩrã ẽ baera». 10 Mawũẽra iya mʉ̃aʼa jarasi: «Yumakẽrã warra, ũrĩra akʉza bʉ sode wuagara mʉ̃a bedʼea jõma jarabʉta. 14 Jaureba piradrʉbisi akʉza edesi. Mʉ̃ra wãsi (sopʉa akʉza kĩrʉ) akʉza Jeowa juwara zareabasi mʉ̃ ʉ̃rʉ. 16 Ewari 7bʉ jõna tẽã, Jeowaba naʉ̃ bedʼeata mʉ̃aʼa jarasi: