Ezequiel

2 Iya mʉ̃aʼa jarasi: «Yumakẽrã warra, piradrʉra mʉ̃ta bʉme bedʼeai baera». 2 Iyi mʉ̃aʼa bedʼeasidera, jaureta mʉ̃ ʉ̃rʉ zesi mõbe piradrʉbisi mawũã mʉ̃a ũrĩmarẽã mʉ̃me bedʼeabadata. 3 Iya mʉ̃a jarasi: «Yumakẽrã warra, mʉ̃a bʉta zokʼa bʉeyi pʉwʉrʉ Israelma, pʉwʉrʉ mʉ̃a jarabʉ ũrĩkĩrã ẽ ma. Ãya akʉza ãyi nããbemaraba jipade oda ẽ mʉ̃a zokʼabʉta, idibasidu. 4 Mʉ̃a zokʼa bʉeyi warrara buru zarema akʉza so zarebʉma. Ãyaʼa jarada: ‹Naʉ̃ta jarabʉ Jeowa nejõma zokʼasebʉba›. 5 Ãya ũrĩbʉrʉmina mawũã ẽ bʉrʉ ũrĩ ẽãmabʉmina (ãyara jipa ũrĩkĩrã ẽ baera) ãya wãrĩnu kʼawuadayi ãyide edabasita propetata aba. 6 »Mamina bʉra yumakẽrã warra, perarãra ãyi kʼarea akʉza perarãra ãya jarabʉ kʼarea, bʉ audu ʉrʉrata akʉza drʉ zoreratabʉmina. Perarãra ãya jarabʉ kʼarea akʉza ãyi kĩrã kʼarea perarãra, ãyara jipa ũrĩkĩrã ẽ baera. 9 Mʉ̃a akʉside ũdusi juwata mʉ̃ma wuabʉta, maʉ̃ne ũdusi royo bʉmata. 10 Iyara mʉ̃ nãã enasi, royora nãã akʉza ãbʉdearebida bʉbasi. Maʉ̃nera trãbi sopʉabʉ ʉ̃rʉ bʉbasi akʉza jẽgabʉ ʉ̃rʉ.