Génesis

19 Joséba jarasi ãya’a: «Peraraidua. ¿Mʉ̃ra Daizezeka? 20 Maraba mʉ̃ta zʉbʉria oita krĩchasidamina, Daizezeba nebia oita krĩchabasi mawũã ẽbẽrarã bebʉ zokʼai erbaita. Idira maʉ̃ta obʉ. 21 Maʉ̃ba peraraidua. Mʉ̃a yiko diabayi maraʼa akʉza mara wũãwũã zakera». Mawũã so zarea diasi akʉza iyi bedʼeaba aduʼa babisi. 24 Joséba jarasi yi mebẽrã’a: «Mʉ̃ra beibodo’a, mamina marara Daizezeba akʉya. Iya marara naʉ̃ drʉadeba ãĩ edeyi mawũã edeyi drʉa Abrahán, Isaac akʉza Jacob’a diaya adama». 25 Josébara Israel wũãwũãra naʉ̃ta omarẽã jarasi: «Wãrĩnu mara Daizezebara akʉya. Namaʉ̃ba edeidua mʉ̃ bʉwʉrʉrãra».