Levítico

26 «‹ Oraidua daizeze zeri ẽãra mia kʼãrẽsida zeri ẽ baera, miã oraidua nekʼãrẽ omasida mia drʉ̃dauta akʉza bʉraidua mara drʉadera mõgara neomara maʉ̃ʼa yiwidʼita, mʉ̃ra Jeowa mara Zeze baera. 3 »Bʉa ũrĩbʉbʉrʉ mʉ̃a jara wãta akʉza obʉbʉrʉ mʉ̃a zok’abʉta, 4 mʉ̃a diayi mara’a kue zei ewaridera mejãcha kueta akʉza maʉ̃ drʉara ne uta mejãcha zaʉyi adewara bakururãra zaʉyi iyi netara. 6 Mʉ̃a diayi adu’a b’aita pʉwʉrʉra, marara bia k’ãĩbayi adewara miõba perabida ẽ bayi. Maʉ̃ pʉwʉrʉdebara nedʉwʉrʉra mẽsirãra neẽ oyi mʉ̃ara, mia yõmiarasida mara drʉarera berabari ẽ bayi. 12 Mʉ̃ra marane eda bayi akʉza mara Daizeze bayi, marara mʉ̃ pʉwʉrʉ bayi.