Isaías
40 «So zarea diaidua, so zarea diaidua mʉ̃ pʉwʉrʉa», maʉ̃ta jarabʉ mara Daizezeba. 3 Jʉrabʉ drʉa ibawabʉde: «Ara oidua Jeowa ora. Oidua Daizezeita o jipabʉta drʉa ibʉawabʉde. 4 Koribira katuma ẽzadrabʉra katuma babidua, katuma akʉza katuma zakera koribi babidua. O mitiabʉra ara bia oidua o jogo jogokabʉra koribi babidua. 5 Jeowaba zarea erbʉra ũdubiyi, maʉ̃ra jõmaʉ̃ba ũdudayi Jeowaba mawũã jarasi baera». 8 Chirua pãwãrara bagʉbʉrʉa, neponora yi kidua jurzoabʉrʉa; mamina Daizeze Bed’eara, ewari jõmaʉ̃nẽ baya». 11 Jeowaba obeja akʉbari kĩrãkʼa bia akʉyi iyi obejarãra. Iyi juwaba ãba edayi obeja wũãwũãrãra akʉza iyi trʉ̃ãne edekʉayi. Jʉra kʼawua edeyi obejara yi wũawũara ju dawabʉra. 26 «Bajãena ʉ̃ta akʉidua. ¿K’aiba parãsi kaʉ̃ra? Jari gorogorora kĩrãk’a jõma ʉ̃tʉ zebibʉba, aba abaka jʉachabʉba akʉza jõma trʉ̃bʉ ãyi trʉ̃neba. Iyira mejãcha zarea erbʉ baera ewari jõmaʉ̃nẽ trajabʉ maʉ̃ba jõma ariyabʉ. 28 ¿K’awua ẽka? ¿Ũrĩbari ẽka? Jeowa drʉa jõma parãnara, iyira ewari jõmaʉ̃nẽbayi. Iyira pae ẽ. Jõmaʉ̃ra ʉ̃ta krĩcha bia barachu. 29 Iya zarea diabʉ yi auk’arabʉa akʉza yi zarea neẽãbʉa zarea diabʉ. 30 Warrarasida aukʼarapanʉ akʉza paepanʉ, warrarasida tenedrʉbʉ akʉza baebʉ, 31 mamina yi Jeowa jʉ̃ãpanʉrãra zarea erbayi jẽda. Wabaribayi nejõbʉ i erbʉ kĩrãk’a. Wẽbadayi akʉza ñabada ẽ bayi; teibadayi akʉza auk’arada ẽ bayi».