Job

32 Mawũẽra naʉ̃ra yumakẽrãra ũbeaʉba kʼawuaside Jobmara jõma aripe obʉ kĩrãkʼabʉta, wua panʉ ẽã sida. 2 Mamina Elihú Barakel warrara buzdeba zedara, mebẽrã Ramneba, mejãcha kĩrʉsi. Jobʼʉ̃me kĩrʉsi, Jobʼba jarasi baera iya jarabʉra wãrĩnuta Daizezeba jarabʉira. 3 Akʉza kĩrʉsi Job neũdukʼawuara ũbeaʉbawarabida, kʼãrẽ panʉi kʼawuada ẽ baera jarasida Daizezeba mawũã osita. 4 Elihúbara jʉ̃ãbasibasi Jobʼa panʉita, ãyira iyi nããbema basi baera. 5 Elihúba ũduside naʉ̃ra yumakẽrãra ũbeaʉba neẽ basita kʼãrẽ panʉita iyira kĩrʉ totosi. 6 Mawũẽra Elihú Barakel warrara buzdeba zedara bedʼea jʉ̃drʉsi. Jarasi: «Mʉ̃ra warrara, marara yumakẽrã zõrãrã. Maʉ̃ kʼarea mʉ̃ra chupea basi wawia ũdubita akʉza jara ẽ basi mʉ̃a kʼawuabʉta. 11 Akʉidua, mʉ̃a jʉ̃ãbasi mara bedʼea bʉeda, mʉ̃a ũrĩnʉmasi mara sãwũã krĩchabarabʉta maraba kʼãrẽ jaraita jʉrʉbara bʉeda. 12 Mʉ̃a kĩrãkita ũrĩnʉmasi, mamina mia abaʉba jara ẽ basi jobʼbara aña obasita, mia panʉbeda ẽ basi iya jarabada bedʼeata. 17 Mawũẽra, mʉ̃abida bedʼeata panʉñi, mʉ̃abida jarayi mʉ̃a kʼawuabʉta, 18 mʉ̃a bedʼea mejãcha jaraita erbʉ baera, jaure zarea mʉ̃nebʉba bedʼeamarẽãkʉ. 19 Edara mʉ̃rabʉ bino iñababari neẽbʉ kĩrãkʼa, bino wagabari yiwidi jẽza waña wabʉ kĩrãkʼa. 20 Idu bedʼeabidua mʉ̃ra, mawũã aduʼa bʼaita. Mʉ̃ ira ewayi mõbe mʉ̃a bedʼeata panʉñi.