Isaías

35 Drʉa ibʉawabʉta akʉza egoro k’ãrẽ dia ẽãta maʉ̃rãra sobiabayi adewara koribi drʉa ibʉawabʉra sobiabayi akʉza neponorata ʉ̃tʉ zeyi azapran kĩrãk’a. 2 Wãrĩnu ponoñi, mejãcha sobiabayi akʉza sobiaba jʉrayi. Líbano drʉa bia kiru kĩrãkʼa mawũã babiyi, drʉa kĩrãwãreã babiyi Carmelo akʉza Sarón kĩrãkʼa. Ũdudayi Jeowara yi zromata akʉza Daizezeba kʼãrẽaba nebia erbʉta. 5 Maʉ̃ ewaridera, dabʉba ũdu ẽã bʉbara jẽda ũduyi, adewara yi kʉwʉrʉba ũrĩ ẽãbʉbara jẽda ũrĩñi. 6 Maʉ̃ ewaridera, wãbe ẽ bʉra pinãdrʉyi beguiba obʉ kĩrãk’a, yi bed’ea ze ẽ bʉbara sobiaba jʉra teibayi. Drʉa bania nẽẽmae bania ʉ̃tʉ zeya akʉza do bi’iabʉta ũduyi drʉa ibʉawabʉde. 7 Drʉa jʉ̃wʉrʉaba põasã badamaera baniata jue oũbʉ baera mama wariyi charata, drʉ̃a ibʉawabʉmaera mejãcha bayi baniata. Uza chakalera badamaera wariyi chiruarata, charata akʉza papirorata. 8 Mama bayi ota, mawũã, maʉ̃ o trʉ̃ra Neneẽãbʉ O. Jaigʉabʉra maʉ̃ ode wã ẽ bayi. Maʉ̃ra yi maʉ̃ ode bʉitabʉrʉ; yi bia krĩchabʉ ẽãra maʉ̃ odera wã ẽ bayi.