Hebreos

13 Mayirai mebẽrãʼara kĩrãkʼa kãgapanʉta idubʉraidua. 2 Kĩrãduaraidua wuabemarata bia edadaita, mawũã opanʉba ʉ̃kʉrʉbara ãya kʼawua ẽna angelerata ãyi deda baribisi. 3 Krĩchaidua mebẽrã karselde edabʉrata, marata ãyiʉ̃me karselde edabʉ kĩrãkʼa akʉza yi zʉbʉriabʉrata, marata ãyiʉ̃me zʉbʉriabʉ kĩrãkʼa. 4 Wawiata ũdubira juwa jidabʉdera, mia abaʉba nemitia oẽ baibara korra k’ãĩbarimaera, Daizezebara kʼawua oyi, iya kãga ẽãne mia erk’ãĩ panʉra adewara ãĩbapanʉrasida. 5 Mara bebʉdera plata mejãcha kãgaraidua, awuarabʉrʉ sobiapanaidua nek’ãrẽ maraba erbʉba. Iya jarabʉ baera: «Mʉ̃a bʉra amae ẽ bayi akʉza ewari jõmaʉ̃nẽ bʉ k’awa bayi». 6 Soiduba jaraseapanʉ: «Jeowara mʉ̃ kʼarebabari, maʉ̃ba mʉ̃ra pera ẽ. ¿Mʉ̃ra kʼãrẽta oseabʉ yumakẽrãbara?». 7 Kĩrãbera mara nãã edebʉra, ãyira bed’ea zebʉrʉ Daizeze bed’ea ʉ̃rʉ, kĩrãkita akʉra ãya obʉta, ãya ĩjãbʉ kĩrãk’a ora. 8 Jesura nʉweda, idi akʉza ewari jõmaʉ̃nẽ iyabaʉbayi. 12 Maʉ̃ kʼarea , Jesusida mejãcha zʉbʉriasi pʉwʉrʉ ãĩ, mawũã iyi waba pʉwʉrʉra neneẽã oĩta. 14 namara erpanʉ ẽ baera pʉwʉrʉ ewari jõmaʉ̃nebʉra awuarabʉrʉ zarea opanʉ jʉrʉita mawũãbʉ pʉwʉrʉta. 15 Iyideba ewariza Daizeze ʉ̃rʉ ibia bed’eabibara, naʉ̃ra dayirã ideba oibara, jaradiaibara ẽbẽra jõmaʉ̃’a iyi trʉ̃ta. 16 Kĩrãduaraidua wuabemaraita nebia oita, mia kĩrãduaraidua maraba erbʉta wuabemarabida diaita, Daizezeba maʉ̃ sakripisiota mejãcha kãgabʉ baera. 17 Yi nãã panʉra bed’eara ũrĩnaidua, ãya marata sobiade bi’ia akʉpanʉ baera, ãyira marabari bed’eaya mara sãwũã akʉbʉdeba. Mawũãtrʉ sobiapanañi ãyira akʉza zareade opana ẽ bayi, marara maʉ̃ k’area zʉbʉriaseapanʉ. 18 Dai k’area yiwid’idua, wãrĩnu dai krĩchara adu’abʉ baera, jõma daiba opanʉra bia okĩrãpanʉ. 22 Mʉ̃a mara widibʉ, mebẽrã, mʉ̃a naʉ̃ karta zaketa maraita bʉbʉrʉ so zarea diata, jʉ̃ã kʼawuabʉta ũdubidua maʉ̃ ũrĩbʉrʉde.