Filipenses

3 Nekʼãrẽ oraidua yõi krĩchade mawũã ẽ bʉrʉ dayikʉza krĩchabʉde, awuarabʉrʉ edapanʉne krĩchaidua wuabemarãra marane ʉ̃tapanʉta, 4 marabara krĩcharaidua mayitabʉrʉ nek’ãrẽ jʉrʉita, awuarabʉrʉ krĩchaidua wuabemarasida. 5 Kristo Jesuba krĩchabada kĩrãkʼa krĩchaidua, 6 iyira Daizeze kĩrãkʼa basimina, krĩcha ẽ basi Daizezeʉ̃me abarika bʼaita. 7 Awuarabʉrʉ, iya erbadata jõma amaesi, nezokʼa kĩrãkʼa bʼaita akʉza ẽbẽra basi. 8 Adewara, yumakẽrãne zeside, edabʉta krĩchabasi akʉza ũrĩbasi iyi beisidu, mawũã iyi zʉbʉria beisidu bakurude. 9 Daizezeba iyira wuabemara ʉ̃ta babisi akʉza trʉ̃ta diasi wuabemara trʉ̃ audre ʉ̃tabʉta, 10 mawũã Jesu trʉ̃neba jõmaʉ̃ta sãkokode bʼaita (jõma yi ʉ̃tʉbʉta, egorodebʉta akʉza egoro edrebʉta) 11 akʉza jõmaʉ̃ba kĩrãkita kʼawuadamarẽã Jesukristo dayirã Nokʼota, mawũã Daizeze ʉ̃rʉ ibia bedʼeabita. 12 Mebẽrã, mʉ̃ marabawarabaside, ewari jõma ũrĩpanasi. Mamina atiara wãwãrabʉ, mawũãsidu ũrĩpanaĩbara. Maʉ̃ k’area wawiade akʉza Daizeze kãgade, bia ũrĩne k’awũãpanaĩdua Daizezeba edrʉbita. 13 Daizezeba kãga baera diayi zareata nekʼãrẽ okĩrãmarẽã akʉza maʉ̃ta omarẽã. 19 Jesuba iduaribira mʉ̃a zokʼa bʉeyi Timoteota, iya mʉ̃a mara ʉ̃rʉ jara ũrĩbimarẽã mawũã mʉ̃ sobia bʼaita. 20 Iyi kĩrãkʼabʉta neẽ baera, iyara marata wãrĩnu krĩchabʉ. 21 Wuabemarabara ãya kãgabʉta nããra bʉepanʉ Jesukristoba kãgabʉira. 22 Mamina marabara kʼawuapanʉ Timoteora kʼẽrẽpabʉta adewara mʉ̃ kʼaidu Daizeze Bedʼea jaradia wãsi akʉza yi warraba yi zeze kʼarebabari kĩrãkʼa kʼarebasi mʉ̃ta.