1 Corintios

6 Naʉ̃ra biga dayirã jaradiaita nekʼãrẽ mitia oẽ baita ãya oda kĩrãkʼa. 7 Adewara nekʼãrẽ badua yiwidʼida ẽ baibara ãyidebema ʉ̃kʉrʉba oda kĩrãkʼa, kʼãwũã jarabʉ Daizeze Bedʼeaba: «Ẽbẽrarã jewedasida nekoita, nekʼãrẽ doita akʉza tẽã piradrʉsida ãyi bʉzridadaita». 8 Oda ẽ baibara dayi kakua neida oita, ʉ̃kʉrʉba ãyi kakua neida oda kĩrãk’a, maʉ̃ba beisi 23.000 maʉ̃ranebemata ewari abaʉde. 9 Dayirãbara obe ẽ Jeowaba dayirã k’arebai k’awuaita, ʉ̃kʉrʉ maʉ̃ranebemaba Jeowaba k’arebai k’awuaita oda kĩrãk’a, maʉ̃ k’area damaba ka beasi. 10 Akʉza badu k’area bed’eakanʉmabe ẽ, ʉ̃kʉrʉ maʉ̃ranebema bed’eakanʉmana kĩrãk’a maʉ̃ k’area ãyi makenabariba beakʉasi. 11 Bigame, naʉ̃ra jõma berabarisi dayirã jaradiaita akʉza naʉ̃ra bʉsi dayirã jʉra k’awua bʼaita naʉ̃ ewari jõbodoare. 12 Yi ẽbẽra kĩrãkita edaʉnʉmʉta krĩchabʉra, jʉra kʼawuabaibara bae ẽ baita. 13 Dayi kayiruade baebibari krĩchara jõmaita zebʉ. Mamina Daizezera jipabʉ, maʉ̃ k’area kayiruade baebibari krĩchara, daya oẽãsidu wuetara obi ẽ, awuarabʉrʉ kayiruade baebibari krĩcha zebʉrʉdera, Daizezebara k’arebayi maʉ̃neba ẽdrʉita mawũã zarea bamarẽã. 14 Maʉ̃ba mʉ̃a kãgapanʉra, nek’ãrẽ oma yiwid’iraidua 21 Marabara do ẽ baibara Jeowa tasade iyabaʉta do ẽ baibara angelera kayirua tasade. Adewara «Jeowa mesade» neko ẽ baibara iyabaʉta angelera kayirua mesade. 23 Jõma oseapanʉ, mamina dayirãba jõma obʉta yibia ẽ. Dayirãba jõma oseabʉmina, jõma kʼarebabʉ ẽ wuabemarata. 24 Aba abakaʉba jʉrʉidua, bʉyikʉza krĩcha ẽã, awuarabʉrʉ jʉrʉda awuru ẽbẽraita. 31 Maʉ̃ k’area nekonʉmʉbʉsida, ne donʉmʉbʉsida, nek’ãrẽ badu onʉmʉbʉsida, nejõma oibara Daizeze ʉ̃rʉ ibia bed’eabita. 32 Zarea oidua baebi ẽ baita judiorata, griegorata akʉza Daizeze kongregasionebemata, 33 mʉ̃a obʉ kĩrãkʼa. Mʉ̃ara jʉrʉbʉ wuabemarata sobia bamarẽã, mʉ̃yikʉza sobia bʼaita jʉrʉi kaʉde, mejãchaʉta ẽdrʉdamarẽã.