Hebreos
10 Moisés Leybara ũdubisi Daizezeba kʼãrẽ nebia diaita, mamina naʉ̃ra bari yizabasi biʼia ũdubi ẽ basi baera wãrĩnu kʼãrẽ diaita. Maʉ̃ba Leybara nekayirua jõbi ẽ ẽbẽrarãba poagaza poagaza yabaʉ sakripisiorata obʉmina. 2 Naʉ̃ sakripisioba nemitiata jipa jõbibasibʉrʉ wũãra sakripisio diaira neẽ bakasi jõmaʉ̃ta nenẽã panʉ baera akʉza krĩchada ẽ bakasi nemitia omiata. 3 Awuarabʉrʉ mawũã sakripisio diabʉba poagaza kĩrãbebibʉ nemitia omiata, 4 Wãrĩnubaira toro wabara akʉza kabra wabara nemitiara jipa ãĩbʉe ẽ. 5 Maʉ̃ kʼarea iyi naʉ̃ drʉaeda zeside jarasi: «‹Bʉara kãga ẽ basi sakripisiorata mia oprendarata, mamina kakuata diasi mʉ̃aʼa. 6 Bʉara bia akʉ ẽ basi oprendara bamara mia oprendara kayirua oda kʼareasida›. 7 Mawũẽra mʉ̃a jarasi: ‹Akʉra, mʉ̃ra zesi (royode mʉ̃ ʉ̃rʉ bʉsi) bʉa kãgabʉ oita, Daizeze›». 10 Mawũã odadeba Jesukristo kakuadeba neneẽãpanʉ, iyi kakuata diama abapai diasi baera wua dia ẽ baita. 12 Mamina Jesúsbara sakripisio aba pai diasi wua dia ẽ baita dayirã nemitiabari, mõbe Daizeze juwarare jewedasi, 19 Maʉ̃ k’area mebẽrãra ,Jesuta wazarrasi baera ota erpanʉ ʉ̃ta wãita, maʉ̃ ora jidadaibara. 20 O yiwidita ewasia wuadeba dayirãita, maʉ̃ba jarakĩrãkʉ iyi yaradeba, 21 akʉza dayirãba erpanʉ baera Daizeze de akʉbʉta. 22 Sobiade orradadrʉ akʉza wãrĩnu ĩjãpanʉne, dayirã krĩcha kayiruara jaresida baera adewara dayirã kakuara zʉgʉsida bania pãpãrakiruba. 23 Wãrĩnu jaradiadadrʉ dayirãba ʉ̃ra zei jʉ̃ãpanʉ ʉ̃rʉ, yi maʉ̃ jaradara kʼẽrẽpabʉ baera. 24 Krĩchaidua mayirai k’arebaita akʉza kãgaita, adewara nebia oita, 25 idubʉraidua ãba yi jʉrepanʉta ʉ̃kʉrʉba obʉ kĩrãk’a. Awuarabʉrʉ mayirai zarea diaidua audre ĩjãita, k’awuapanʉ baera Daizeze ewari zeira arak’aita ba baera. 35 Maʉ̃ kʼarea, mara zowaĩnĩgʉa erbʉta aduaraidua, tẽãne nebiata mejãcha ũdui baera. 36 Marabara nesidabʉ awuantaita, Daizezeba zokʼabʉ oita, mawũã iya nebia diaya ada ũduita. 37 «Aranʉ zeyi yi zeibarata, arakʼaitaba». 38 «Yi mʉ̃are kʼẽrẽpapanʉrãra akʉza mʉ̃ ʉ̃rʉ ĩjãpanʉrãra ewari jõmaʉ̃nẽ baya. Mamina mʉ̃arebʉta idubʉdara, mʉ̃ra sobia ba ẽ bayi ãyiʉ̃mera». 39 Daira jari ẽbẽrarã perabiba jẽda zebʉ kĩrãk’a bʉ ẽ maʉ̃ba jipa aduayi, mamina daira jari ĩjã erbʉba ãyi bebʉ zok’ai erbʉdebema.