Lucas

15 Aramaʉ̃ta jarasi: «Dabʉ ewapanaidua akʉza kʼaʉbaidua nebia mejãcha erbaideba, daya mejãcha erbʉmina, maʉ̃bara dayirã ẽdrʉbi ẽ». 16 Maʉ̃ne naʉ̃ nebʉrata jarasi: «Yumakẽrã plata mejãcha erbʉ drʉadera ne u mejãcha zaʉsi. 17 Mawũẽ iyikʉza krĩchasi: ‹¿Mʉ̃a sama wuagaipe mʉ̃ ne ura?›. 18 Iya jarasi: ‹Naʉ̃ta oyi: mʉ̃ ne u wuagabarita teguesoa bʉepe audre yi zromata parãñi, mama wuagayi mʉ̃ ne u jõma. 19 Mõbe mʉ̃yikʉza mawũãña: «Bʉara nebio wuaga erbʉa poaga bioita maʉ̃ba aduʼabara, nekora, nedora, sobiara›». 20 Mamina Daizezeba jarasi: ‹Bʉra kʼare krĩcha neẽã, bʉra naʉ̃ diamasi beadaya. Mawũẽ, ¿bʉa nebia jʉrepedara kʼaide baipe?›. 21 Abarika berabaribʉ ẽbẽra iyikʉzaita nebia jʉrʉbʉra, mamina Daizeze dabʉ nããra iyira nebia neẽ». 32 »Peraraidua mejãchabʉ ẽãra, mara Zezeba nokʼota diakĩrãbʉ baera. 42 Nok’oba jarasi: «¿K’aipe wãrĩnu yi nezok’ara yibarira jipabʉrãra akʉza bi’ia krĩchabʉrãra, nok’aba zok’a ameira yi nezok’ara ʉ̃rʉ yiko dia bamarẽã yiko diai ũmaʉ̃daʉde? 47 Yi nezokʼaba iyi nokʼoba jaradata ũrĩbʉmina oẽ bʉrʉ audre uyi. 48 Mamina yi nezokʼa iya bia ũrĩ ẽ basimina iya osibʉrʉ mejãcha uda ẽ bayi. Yi nekʼãrẽ ʉ̃ta diadara ʉ̃ta wididayi akʉza yi audre omarẽã jaradara audre omarẽã jarayi.