1 Samuel
2 Akʉza kima ũme erbasi. Aba Anabasi, yi ababemara Peninábasi. Peninára wũãwũãra barachuasi, mamina Anabara mia ababida erba ẽ basi. 6 Akʉza yi ababema kimabara, iyi nejʉraba, badua imitia jarabasi iyi sopʉabita Jeowabara wũãwũã dia ẽ basi baera. 7 Poagaza badua mawũãbasi iyiʉ̃me. Anara Jeowa deidu wãre zebʉrʉza, iyi nejʉrabara mejãcha imitia jarabasi baera Anara maʉ̃ba jẽgabasi akʉza kʼãrẽ ko ẽ basi. 10 Ana k’ãbãẽã sopʉabʉde, Jeowa’a yiwid’isi akʉza jẽgabʉta taʉ ẽ basi. 11 Akʉza naʉ̃ta oũdubita jarasi: «Jeowa, gorogorora nokʼo. Akʉra mʉ̃ kʼãrẽaba zʉbʉrianʉmʉta. Bʉa za bʉ nezokʼata kĩrãbebʉbʉrʉ akʉza mʉ̃a wũãwũã yumakẽrã diara, bʉaʼa diayi mʉ̃ara, Jeowa, ewari jõmaʉ̃nẽ bʉita trajamarẽã. Akʉza iyi bʉrʉra tʉkabayi». 12 Iyira mama dããrabayeda yiwidʼinʉmasi Jeowa, Elíba akʉnʉmʉena iyi i sãwũã piranʉmʉmasita. 18 Mõbe iya panʉsi: « Mʉ̃, bʉ nezokʼara bia akʉra». Mawũẽrã iyira wãsi akʉza nekosi adewara iyi kĩrãne zʉbʉria ũdubadara wua neẽbasi. 27 Jeowaʼa yiwidisi mʉ̃aʼa diamarẽã naʉ̃ wũãwũã zaketa, iyara diasi mʉ̃a wididata. 28 Atiara mʉ̃ara Jeowaʼa diayi. Ewari jõmaʉ̃nẽ Jeowade bayi». Iyira sãkokode besi Jeowa nãã.