Proverbios

5 Buru biabara akʉza bi’i ũrĩra. Kĩrãduarãra mʉ̃ bed’eata, akʉza ewari jõmaʉ̃nẽ mʉ̃a jaradiabʉta akʉbara. Bʉ bʉrʉ biara kĩrãduarãra, kãgara maʉ̃ba k’arebai baera. 6 Bʉ buru biara kĩrãduarãra, kãgara maʉ̃ba k’arebai baera. 7 Buru biata audre yibia, maʉ̃ba buru biata jʉrʉda. Adewara bʉa nekʼãrẽ jʉrʉbʉrʉdera, jʉrʉda ũrĩ kʼawuaita. 10 Warra ũrĩda mʉ̃ bedʼeata, mawũã ora poaga bio bayi. 11 Mʉ̃a jaradiayi sãwũã buru bia bʼaita, jaradiayi sãwũã aripe oita. 12 Bʉ wãbʉrʉdera bʉ nããra nekʼãrẽ neẽbayi akʉza wẽbabʉrʉdera tẽnedrʉ ba ẽ bayi. 13 Kĩrãduarãra nama zokʼabʉta. Biʼia akʉra naʉ̃ba bʉ bebʉ ẽdrʉbi baera. 18 Ẽbẽrarã aripe opanʉra ora, ũna diapedadebema kĩrãk’abʉ, maʉ̃ra wiña wiñane ũna wã, bi’ia ũnadrʉ zeyeda 23 Audre bia akʉra bʉ sota, maʉ̃ba erbʉ baera dayirã bebʉra. 25 Bʉ dabʉbara kĩrãbita akʉibara; mawũã, bʉ dabʉbara aña akʉkara. 26 Biʼia akʉra bʉ jĩrʉba sama nebʉta, mawũãra bʉra ode bia wãñi.