Filipenses

6 kʼãrẽ krĩcha ẽã ĩjabasi maʉ̃ba pewa jʉ̃drʉsi kongregasionʼra akʉza ãyi leyba aripe obʉ kĩrãkʼa oita, maʉ̃ kʼarea jarabeda ẽ oẽbasita ãyi leyba jarabʉta. 7 Mamina mʉ̃ita nekʼãrẽ yibia badara, atiara akʉbʉ zeri ẽ kĩrãkʼa Kristo kʼarea. 8 Adewara nejõma zeri ẽ kĩrãkʼa akʉbʉ Jesu Kristo mʉ̃ Nokʼo ũdukʼawuaira arigʉ yibia baera mʉ̃ita. Iyi kʼarea mʉ̃ita yibia nejõma aduaita adewara naʉ̃ jõma akʉbʉ nekʼãrẽ zeri ẽ kĩrãkʼa, Kristoba mʉ̃ta bia akʉmarẽã, 13 Mebẽrã waidide jõma oẽ kĩrã mʉ̃ara. Mamina jarakĩrãbʉ jẽda kĩrãbe ẽãta nãã odara, awuarabʉrʉ akʉbʉ kʼareta oita naneba ʉ̃ta, 15 Dayirã kʼẽrẽpabʉrara naʉ̃ta krĩchadaibara, mõbe maraba krĩchapanʉbʉrʉ awuara oibarata Daizezeba kʼarebayi soiduba okĩrãita. 16 Mamina dayirãba ewariza audre bia o wãta oũdubi zebʉrʉmina, idubʉraidua maʉ̃ nebia obʉta. 17 Mebẽrã, mʉ̃ kĩrãk’a panaidʉa. Akʉidua yi nãã panʉrãba sãwũã opanʉta, marabida daide kĩrãk’a odamarẽã.