Gálatas

6 Mebẽrãra, ẽbẽra abaʉba ode teide aña nebʉ kʼawua ẽna, mara kʼãwũã Daizezedebema nebia erbʉba zarea oidua ibiade jaraita yumakẽrã kʼẽrẽpa bʼaita. Mamina mara aba abakaʉba mayikʉza akʉidua nekayiruade bae ẽ baita. 2 Yiya k’areba atʉidua zʉgʉara, mawũãra Kristo leyta odayi. 3 Abaʉba krĩchabʉbʉrʉ iyira yi zromata iyi kʼare ẽane, maʉra iyi kʉza yi sewabʉ. 4 Aba abakaʉba akʉibara iya obʉra, mawũã mejãcha sobiabayi nek’ãrẽ aripe oya zarea ozebʉrʉ k’area, krĩcha ẽã iya obʉta wuabemaraʉ̃me. 5 Mayi aba abakaʉba edeibara mara zʉgʉara. 7 Jʉra k’awuabara, Daizezera mia k’aia yi sewabi ẽ. Nek’ãrẽ yumakẽrãba ubʉra akʉza maʉ̃ta jẽda jʉrepeyi. 8 Ẽbẽra abaʉba krĩchabʉbʉrʉ iyi yaraba kãgabʉta oita, maʉ̃neba nemitiata zeyi. Mamina iya krĩchabʉbʉrʉ jauredebema nebia oita maʉ̃neba ewari jõmaʉ̃nẽ bayi. 9 Auk’arada ẽ baibara nebia owãita, dayirãta auk’arada ẽ bʉrʉ, dayirãba udata akʉza maʉ̃ta jẽda ũduyi iyi ewaride. 10 Wãrĩnu, dayirã ewari erbʉ eda, jõmaʉ̃ita nebia oibara, audre nebia obaibara mebẽrã dayirãbawara ãba ĩjãbʉme. 16 Yi jõma k’ẽrẽpabʉra nama zok’ada kĩrãk’a, maʉ̃ ʉ̃rʉbayi Daizeze neneẽãbʉta akʉza so zʉbʉria akʉbʉta, Daizeze Israel ʉ̃rʉ.