Jueces

8 Yumakẽrãra Efraín kʼaidubemarabara Gedeónʼa widisida: «¿Kʼãrẽta osi bʉa daira? ¿Kʼãrẽa jara ẽ basi bʉ Madiánbawara yõena jʉ̃ẽsidera?». Kʼaikʼaia bedʼeasida iyaʼa. 2 Aramaʉ̃ta iya panʉsi: «¿Kʼãrẽta osi mʉ̃ara maraba odaira? ¿Audre yibia ẽka Efraínba ne u jʉrepedadebema amaenata Abí-Ézerba jõma ne u jʉrepadaira? 3 Daizezebara diasi Orebta akʉza Zeebta, nokʼo warrara Madiánʼnebemarata, maraʼa. ¿Mʉ̃ara kʼãrẽta obʉrʉ maraba odaira?». Mawũã bedʼeaside, wua kʼaikʼaiada ẽ basi.