Jueces

12 Jeowabara zokʼasi angelta aba, iya jarasi: «Bʉra zowaĩnĩgʉabʉ akʉza zarea barabʉ, Jeowara bʉ̃me ãbabʉ». 13 Gedeónba panʉsi: «Kĩrãduara mʉ̃a jaraita, mamina Jeowata daibawara bʉbʉrʉ, ¿kʼãrẽa naʉ̃ jõma berabarinʉmʉ? ¿Kʼãrẽa daibara dai yibariraba nebia nebʉradara ũduda ẽ? Ãya jarapanasi: Jeowabʉrʉ daira ẽdrʉbisi Egiptodeba. Mamina atiara Jeowabara amaesi daira awuarabʉrʉ Madián juwade». 14 Jeowa iyima jẽda ze kʼãrãpe jarasi: «Wãrã, zarea bʉa erbʉba ẽdrʉbiyi Israelʼra Madián juwadeba. ¿Mʉ eka bʉ zokʼakʉra?». 15 Aramaʉ̃ta Gedeónba panʉsi: «Kĩrãduara Jeowa, mamina, ¿mʉ̃ara sãwũã ẽdrʉbi Israelʼra? Manasésdebemanera mʉ̃ mebẽrã kʼãrẽ ẽ kĩrãkʼabʉ akʉza mʉ̃ zeze dedabemara mʉ̃ta yi audre kʼãrẽ ẽ kĩrãkʼabʉ».